Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 1

“Gbɔmɛi babaoo bɛ hekɛnɔfɔɔ yɛ adesai hiɛnyiɛlɔi amli akɛ amɛbaanyɛ amɛtsu naagbai ni yɔɔ ŋmɛnɛŋmɛnɛ lɛ ahe nii. Ani osusuɔ akɛ mɔ ko yɛ ni baanyɛ eha nɔ ni agba afɔ̃ shi yɛ kukuji nɛɛ amli lɛ aba mli? [Kanemɔ Lala 72:7, 12, 16. No sɛɛ lɛ, ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ mɔ ni hiɛnyiɛlɔ ní agba ehe sane afɔ̃ shi nɛɛ ji, kɛ nɔ ni ebaatsu he nii lɛ mli.”

Awake! Nov. 8

“Gbɛtsɔɔmɔ he miihia gbekɛbii koni amɛnyɛ amɛdamɔ nɔnyɛɛ ni amɛkɛkpeɔ ŋmɛnɛ lɛ anaa, ani okpɛlɛɛɛ nɔ nakai? [Ŋmɛɛ gbɛ ni eha hetoo. No sɛɛ lɛ kanemɔ Efesobii 6:4.] Wolo tɛtɛrɛɛ nɛɛ wieɔ nɔ ni tsɔsemɔ ji diɛŋtsɛ lɛ he. Eyaa nɔ etsɔɔ bɔ ni fɔlɔi baanyɛ ni amɛkɛ gbɛtsɔɔmɔ kɛ tsɔsemɔ aha amɛbii lɛ, ní amɛjeŋ amɛnijiaŋ wui lɛ mli.”

Buu-Mɔɔ Nov. 15

“Mɛi babaoo sumɔɔ ni amɛná gbɔmɔtsoŋ hewalɛ kpakpa kɛ wala sɛɛkɛlɛ. Shi kɛ́ nakai eji kulɛ, ani obaasumɔ ni ohi shi kɛya naanɔ? [Ŋmɛɛ gbɛ ni eha hetoo. No sɛɛ lɛ kanemɔ Yohane 17:3.] Wolo tɛtrɛɛ nɛɛ tsɔɔ Biblia lɛ shiwoo kɛha naanɔ wala lɛ mli. Epɛiɔ bɔ ni wala baatamɔ eha be ni nakai shiwoo lɛ baaba mli diɛŋtsɛ lɛ hu mli.”

Awake! Nov. 22

“Yɛ afii 20 ni eho nɛɛ amli lɛ, shishinumɔ ni ayɔɔ kɛ bɔ ni atsaa AIDS hela lɛ ahaa lɛ etee hiɛ babaoo. Shi kɛlɛ, mɛi babaoo ená jwɛŋmɔ ni ejaaa yɛ hela lɛ he. [Okɛ akrabatsa ni yɔɔ saneyitso ni ji “Myths About AIDS” (AIDS Hela lɛ he Adesãi) lɛ atsɔɔ lɛ, koni oŋmɛ lɛ gbɛ ni ewie he.] Wolo tɛtrɛɛ nɛɛ tsɔɔ gbɛ nɔ ni fɔlɔi baanyɛ atsɔ ni amɛbu amɛbii lɛ ahe lɛ mli.” Kanemɔ 5 Mose 6:6, 7.