Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Feb. 1

“Wɔteaŋ mɛi babaoo bɔɔ mɔdɛŋ koni wɔtsu wɔgbɔmɔtsoŋ hewalɛnamɔ he nii. Shi kɛlɛ, niiamlipɛimɔi ni afee nyɛsɛɛ nɛɛ ejie lɛ kpo akɛ, wɔmumɔŋ shidaamɔ hu saa wɔhilɛ-kɛhamɔ he. Ani osusuɔ akɛ enɛ baanyɛ afee anɔkwale? [Ŋmɛɛ gbɛ ni eha hetoo. No sɛɛ lɛ kanemɔ Mateo 5:3.] Buu-Mɔɔ nɛɛ wieɔ bɔ ni wɔɔfee wɔtsu wɔmumɔŋ hiamɔ nii ahe nii lɛ he.”

Awake! Feb. 8

“Ŋmɛnɛ mɛi babaoo hiɔ shi akɛ mɛi ni bɛ deka kwraa, ni hejɔɔmɔ babaoo he miihia amɛ. Ekolɛ okɛ wiemɔi nɛɛ ni aŋmala nɔ ni fe afii 3,000 ni eho nɛ lɛ baakpa gbee. [Kanemɔ Jajelɔ 4:6. No sɛɛ lɛ ŋmɛɛ gbɛ ni etsɔɔ ejwɛŋmɔ.] Awake! nɛɛ kɛ saji ni yeɔ ebuaa yɛ bɔ ni wɔɔfee wɔyɔse wɔɔ he naagbai ni wɔtsu he nii lɛ haa.”

Buu-Mɔɔ Feb. 15

“Mɛi pii ehao yɛ nibii fɔji ni afee yɛ jamɔ gbɛi amli lɛ hewɔ. Mɛi komɛi susuɔ akɛ jamɔ ji nɔ ni kɛ adesai anaagbai baa. Ani osusu enɛ he pɛŋ? [Ŋmɛɛ gbɛ ni eha hetoo. No sɛɛ lɛ kanemɔ Kpojiemɔ 18:24.] Wolo tɛtrɛɛ nɛɛ pɛiɔ nɔ ni Biblia lɛ yɔɔ kɛɛmɔ yɛ sane nɛɛ he lɛ mli.”

Awake! Feb. 22

“Mɛi pii náa kooloi ahe nikasemɔ he miishɛɛ, ni mɛi komɛi náa kooloi ni akɛshwɛɔ lɛ anɔkwɛmɔ he miishɛɛ. [Ŋmɛɛ gbɛ ni etsɔɔ ejwɛŋmɔ.] Wolo tɛtrɛɛ nɛɛ susuɔ naagbai komɛi ni jɛɔ kooloi ni akɛshwɛɔ lɛ anɔkwɛmɔ mli kɛbaa lɛ he. Etsɔɔ shiwoo ko hu ni Nyɔŋmɔ kɛha ni kɔɔ be mli ni kooloi fɛɛ kɛ amɛhe kɛ adesai hu baahi shi yɛ toiŋjɔlɛ mli lɛ hu mli.” Kanemɔ Yesaia 11:6-9.