Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Feb. 1

“Shika he miihia wɔ fɛɛ koni wɔnyɛ wɔhi shi. Shi ani okpɛlɛɔ nɔ akɛ ehe miihia ni wɔkwɛ wɔhe nɔ jogbaŋŋ yɛ oshara ni atsĩ tã yɛ ŋmalɛ nɛɛ mli lɛ he? [Kanemɔ 1 Timoteo 6:10, ní oŋmɛ gbɛ ni eha hetoo.] Buu-Mɔɔ nɛɛ yeɔ ebuaa wɔ koni wɔyɔse heloonaa ninámɔ he osharai komɛi ni yɔɔ lɛ, ni ewieɔ bɔ ni wɔɔfee wɔtsi wɔhe kɛjɛ osharai nɛɛ ahe lɛ he.”

Awake! Feb.

“Wɔteŋ mɛi babaoo ni yɔɔ wekumɛi kɛ nanemɛi ni egbɔlɔ lɛ susuɔ bɔ ni wɔɔfee wɔye wɔbua amɛ ni amɛdamɔ naagbai ni gbɔlɛ kɛbaa lɛ naa lɛ he. Aloo jeee nakai? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ nibii ni wɔbaanyɛ wɔfee ni wɔha gbɔlɛ afee nɔ ni anyɛɔ adamɔɔ naa. Etsɔɔ bɔ ni gbalɛ nɛɛ baaba mli eha lɛ hu mli.” Kanemɔ Hiob 33:25.

Buu-Mɔɔ Feb. 15

“Kɛ oyɛ hegbɛ ni okɛaahala mɔ ko koni eye je lɛ nɔ lɛ, kulɛ namɔ obaahala? [Ŋmɛɛ gbɛ ni eha hetoo.] Buu-Mɔɔ nɛɛ wieɔ nibii ni tsɔɔ akɛ Mesia lɛ sa lɛ he, ni ákɛ eji mɔ ni Nyɔŋmɔ ehala lɛ koni eye shikpɔŋ lɛ nɔ. Kɛfata he lɛ, etsɔɔ nɔ ni enɔyeli lɛ baafee eha adesai.” Kanemɔ Yesaia 9:5, 6.

Awake! Feb.

“Ŋmɛnɛ, nyɔŋmɔi pii yɛ ni gbɔmɛi jáa amɛ. Shi kadimɔ nɔ ni Yesu wie yɛ eŋwɛi Tsɛ lɛ he yɛ sɔlemɔ mli lɛ. [Kanemɔ Yohane 17:3.] Kɛ anɔkwa Nyɔŋmɔ kome pɛ yɔɔ lɛ, belɛ, nyɔŋmɔi krokomɛi fɛɛ ni eshwɛ lɛ hu? [Ŋmɛɛ gbɛ ni eha hetoo.] Saneyitso nɛɛ tsɔɔ nɔ ni Biblia lɛ kɛɔ yɛ sane nɛɛ he.” Okɛ saneyitso ni yɔɔ baafa 28-29 lɛ atsɔɔ.