Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Mar. 1

“Mɛi pii kpɛlɛɔ nɔ akɛ esa akɛ wɔsumɔsumɔɔ wɔhe, taakɛ ŋmalɛ nɛɛ tsɔɔ akɛ Yesu fã ni afee lɛ. [Kanemɔ Yohane 13:34, 35.] Shi kɛlɛ, nɛgbɛ wɔbaanyɛ wɔna mɛi ni kɛ Yesu tsɔɔmɔi lɛ tsuɔ nii yɛ amɛshihilɛi amli lɛ yɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ wieɔ bɔ ni wɔɔfee wɔyɔse anɔkwa Kristofoi lɛ ŋmɛnɛ lɛ he.”

Awake! Mar. 8

“Ehe miihia ni wɔná suɔmɔ bɔni afee ni wɔná miishɛɛ ni ehi eha wɔ. Ni kɛlɛ, ewa waa kɛha mɛi babaoo akɛ amɛaaná suɔmɔ diɛŋtsɛ. Mɛni hewɔ osusuɔ akɛ nakai eji lɛ? [Ŋmɛɛ gbɛ ni eha hetoo.] Nɔ titri ko ni haa anyɛɔ anáa suɔmɔ diɛŋtsɛ ji ní akase bɔ ni aaafee ajie suɔmɔ ni ŋkomeŋfa su bɛ mli lɛ kpo atsɔɔ mɛi krokomɛi. Wolo tɛtrɛɛ nɛɛ tsɔɔ nɔ ni enɛ biɔ ni afee lɛ mli.” Kanemɔ 1 Korintobii 13:4-7.

Buu-Mɔɔ Mar. 15

“Wɔteŋ mɛi babaoo ená niiashikpamɔ ni yɔɔ dɔlɛ ni kɔɔ mɔ ko ni wɔsumɔɔ lɛ lɛ gbele he. Ani ole shiwoo ni shɛjeɔ mɔ mii nɛɛ? [Kanemɔ Bɔfoi lɛ Asaji 24:15. No sɛɛ lɛ ŋmɛɛ gbɛ ni eha hetoo.] Shi kɛlɛ, mɛi babaoo biɔ akɛ, Namɛi ashi abaatee lɛ? Mɛɛ be enɛ baaba mli? Nɛgbɛ abaatee mɛi lɛ ashi yɛ? Wolo tɛtrɛɛ nɛɛ haa sanebimɔi nɛɛ ahetoo kɛjɛɔ Biblia lɛ mli.”

Awake! Mar. 22

“Mɛi babaoo heɔ amɛyeɔ akɛ Yesu ji Nyɔŋmɔ. Miishɛɛ sane ji akɛ, Petro ni eji Yesu kaselɔ lɛ wie ehe akɛ eji Nyɔŋmɔ Bi. [Kanemɔ Mateo 16:16.] Ani osusuɔ akɛ Yesu baanyɛ afee Nyɔŋmɔ ni lɛ nɔŋŋ efee Nyɔŋmɔ Bi? [Ŋmɛɛ gbɛ ni eha hetoo.] Sane nɛɛ ni yɔɔ baafa 12-13 lɛ pɛiɔ sanebimɔ nɛɛ mli, ni etsɔɔ nɔ ni Biblia lɛ susumɔ ji yɛ he.”