Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Oct. 1

Bi sane ni yɔɔ wolo tɛtrɛɛ lɛ sɛɛ lɛ. No sɛɛ lɛ bi akɛ: “Ani ole okadi ni wolo tɛtrɛɛ nɛɛ wieɔ he lɛ? [Ŋmɛɛ gbɛ ni eha hetoo. No sɛɛ lɛ kanemɔ Mateo 24:3.] Buu-Mɔɔ nɛɛ wieɔ okadii lɛ ateŋ titrii enumɔ he, ni etsɔɔ nɔ hewɔ ni ehe hiaa akɛ wɔyɔse nakai okadii lɛ.” Okɛ akrabatsa ni yɔɔ baafa 6 lɛ atsɔɔ lɛ.

Awake! Oct. 8

“Dãa ni akɛtsuɔ nii yɛ gbɛ fɔŋ nɔ lɛ kɛ naagbai babaoo baa. Wolo tɛtrɛɛ nɛɛ tsɔɔ hewalɛ ni dãa náa yɛ gbɔmɔtso lɛ nɔ. [Okɛ mfoniri ni yɔɔ baafa 7 lɛ atsɔɔ lɛ.] Saji nɛɛ tsɔɔ nibii ni mɛi baanyɛ afee koni amɛkpa dãatɔɔ, kɛ nɔ ni mɛi krokomɛi baanyɛ afee kɛye abua amɛ.”

Buu-Mɔɔ Oct. 15

“Mɛi babaoo buɔ wolokasemɔ akɛ eji nɔ titri ni haa ayeɔ omanye yɛ shihilɛ mli. Ani osusuɔ akɛ wolokasemɔ ko yɛ ni baanyɛ aha mɔ ko atsɔ gbɔmɔ kpakpa ni enyɛ ekpee shihilɛ mli naagbai lɛ anaa? [Ŋmɛɛ gbɛ ni eha hetoo. No sɛɛ lɛ kanemɔ Romabii 12:2.] Wolo tɛtrɛɛ nɛɛ gbálaa bɔ ni wɔɔfee wɔná wolokasemɔ ni fe fɛɛ ni yɔɔ lɛ he sɛɛ lɛ mli.”

Awake! Oct. 22

“Etamɔ nɔ ni mɛi babaoo nyáa adafitswaa wolo kanemɔ he gbi fɛɛ gbi. Ani osusuɔ akɛ wɔbaanyɛ wɔkɛ wɔhe afɔ̃ saji ni yɔɔ adafitswaa woji lɛ amli lɛ anɔ? [Ŋmɛɛ gbɛ ni eha hetoo.] Awake! nɛɛ kɛ ŋaawoi ni tsɔɔ bɔ ni aaafee aná adafitswaa wolo kanemɔ he sɛɛ lɛ haa. Etsɔɔ nɔ hewɔ hu ni ehe hiaa ni akwɛ jogbaŋŋ kɛ́ aakane adafitswaa woji lɛ.” Kanemɔ Abɛi 14:15.