Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Oct. 1

“Jeŋ nilelɔi miibɔ mɔdɛŋ akɛ amɛaafã hela shishi koni amɛha wɔwala afii lɛ aya hiɛ. Ani osusuɔ akɛ be baashɛ ni adesai baahi shi kɛya naanɔ? [Ŋmɛɛ gbɛ ni eha hetoo.] Kwɛmɔ nɔ̃ hewɔ ni wɔshweɔ akɛ wɔhi shi afii babaoo lɛ. [Kanemɔ Jajelɔ 3:11.] Wolo tɛtrɛɛ nɛɛ tsɔɔ nɔ̃ hewɔ ni Nyɔŋmɔ bɔ wɔ ní wɔshweɔ akɛ wɔhi shi kɛya naanɔ lɛ.”

Awake! Oct.

“Etamɔ nɔ ni wɔteŋ mɔ fɛɛ mɔ nyaa tɛlivishiŋ kwɛmɔ he. Shi ani osusuɔ akɛ esa akɛ wɔhala nibii ni ajieɔ yɛ nɔ lɛ amli? [Ŋmɛɛ gbɛ ni eha hetoo. No sɛɛ lɛ, kanemɔ Abɛi 13:20.] Wolo tɛtrɛɛ nɛɛ wieɔ hewalɛ ni tɛlivishiŋ náa yɛ wɔnɔ lɛ he, ni ewoɔ wɔ ŋaa yɛ gbɛ ni wɔɔtsɔ nɔ wɔkudɔ tɛlivishiŋ kwɛmɔ.”

Buu-Mɔɔ Oct. 15

“Akɛni Nyɔŋmɔ yɛ ŋwɛi hewɔ lɛ, mɛi komɛi muɔ sane naa akɛ anyɛŋ ale lɛ. Ani okɛɛ nɔ ko ni tamɔ nakai pɛŋ? [Ŋmɛɛ gbɛ ni eha hetoo. No sɛɛ lɛ, kanemɔ Yohane 17:3 lɛ.] Wolo tɛtrɛɛ nɛɛ tsɔɔ bɔ ni wɔɔfee wɔná Nyɔŋmɔ he nilee.”

Awake! Oct.

“Gbele eŋɔ wɔteaŋ mɛi babaoo asuɔlɔi kɛtee. Ani osusuɔ akɛ nibii komɛi yɛ ni wɔbaanyɛ wɔfee wɔha amɛ eyɛ mli akɛ amɛgboi? [Ŋmɛɛ gbɛ ni eha hetoo.] Saneyitso nɛɛ haa wɔleɔ bɔ ni Biblia lɛ haa nakai sanebimɔ lɛ hetoo. Okɛ saneyitso ni yɔɔ baafa 10 lɛ atsɔɔ lɛ. Ewieɔ shiwoo ni shɛjeɔ mɔ mii nɛɛ hu he.” Kanemɔ Yohane 5:28, 29.