(1) Sanebimɔ, (2) Ŋmalɛ, kɛ (3) Yitso
Gbɛ ni yɔɔ mlɛo ni aaatsɔ nɔ akɛ Mɛni Biblia lɛ Tsɔɔ Diɛŋtsɛ? wolo lɛ aha ji ni (1) abi sane ni baaha shiatsɛ lɛ atsɔɔ ejwɛŋmɔ, (2) akane ŋmalɛ ni sa, kɛ (3) agbala shiatsɛ lɛ jwɛŋmɔ kɛya yitso ni yɔɔ wolo lɛ mli ni wieɔ nakai sane lɛ he lɛ nɔ kɛtsɔ sanebimɔi ni kpaa hiɛ ni yɔɔ yitso lɛ shishi lɛ akanemɔ nɔ. Kɛ́ shiatsɛ lɛ jie miishɛɛ kpo lɛ, obaanyɛ okɛ nakai yitso lɛ mli klɛŋklɛŋ kukuji lɛ atsu nii ni okɛfee Biblia mli nikasemɔ he nɔkwɛmɔnɔ otsɔɔ lɛ. Abaanyɛ atsɔ nɛkɛ gbɛ nɔ aje nikasemɔ shishi yɛ klɛŋklɛŋ saramɔ lɛ mli loo kɛ́ aafee sɛɛkuu-kɛsaramɔ lɛ.
◼ “Ani osusuɔ akɛ adesai foji baanyɛ abale wɔ-Bɔlɔ ofe lɛ taakɛ atsɔɔ yɛ biɛ yɛ Biblia lɛ mli lɛ?” Kanemɔ Bɔfoi lɛ Asaji 17:26, 27 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 1 lɛ nɔ.
◼ “Yɛ naagbai ni wɔkɛkpeɔ ŋmɛnɛ lɛ ahewɔ lɛ, ani osusuɔ akɛ wɔbaanyɛ wɔná miishɛjemɔ kɛ hiɛnɔkamɔ ni atsɔɔ mli yɛ biɛ lɛ?” Kanemɔ Romabii 15:4 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 2 lɛ nɔ.
◼ “Kɛ́ oyɛ hewalɛ ní baaha okɛ tsakemɔi nɛɛ aba lɛ, ani obaafee nakai?” Kanemɔ Kpojiemɔ 21:4 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 3 lɛ nɔ.
◼ “Ani osusuɔ akɛ gbi ko baaba ni wɔbii lɛ baanyɛ ahi shihilɛi ni atsɔɔ mli yɛ blema lala nɛɛ mli lɛ mli?” Kanemɔ Lala 37:10, 11 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 3 lɛ nɔ.
◼ “Ani osusu akɛ gbi ko baaba ni wiemɔi nɛɛ baaba mli anɔkwale?” Kanemɔ Yesaia 33:24 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 3 lɛ nɔ.
◼ “Ani osusu he pɛŋ kɛji gbohii lɛ le nɔ ni hiɛkalɔi lɛ feɔ lɛ?” Ŋmɛɛ gbɛ ni eha hetoo. No sɛɛ lɛ kanemɔ Jajelɔ 9:5 lɛ, ni ogbala ejwɛŋmɔ kɛya yitso 6 lɛ nɔ.
◼ “Ani osusuɔ akɛ wɔbaanyɛ wɔna wɔsuɔlɔi ni egboi lɛ ekoŋŋ gbi ko taakɛ Yesu wie yɛ kukuji nɛɛ amli lɛ?” Kanemɔ Yohane 5:28, 29 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 7 lɛ nɔ.
◼ “Taakɛ atsĩ tã yɛ sɔlemɔ ni ale waa nɛɛ mli lɛ, mɛni osusuɔ akɛ ebiɔ dani afee Nyɔŋmɔ suɔmɔnaa nii yɛ shikpɔŋ lɛ nɔ taakɛ afeɔ yɛ ŋwɛi lɛ?” Kanemɔ Mateo 6:9, 10 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 8 lɛ nɔ.
◼ “Ani osusuɔ akɛ wɔyɛ be ní atsɔɔ mli yɛ gbalɛ nɛɛ mli lɛ mli?” Kanemɔ 2 Timoteo 3:1-4 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 9 lɛ nɔ.
◼ “Mɛi babaoo susuɔ nɔ hewɔ ni etamɔ nɔ ni adesai anaagbai lɛ mli woɔ wu lɛ he. Ani osusu enɛ he pɛŋ akɛ no baanyɛ afee nɔ hewɔ ni adesai anaagbai lɛ mli woɔ wu lɛ?” Kanemɔ Kpojiemɔ 12:9 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 10 lɛ nɔ.
◼ “Ani obɔ mɔdɛŋ pɛŋ akɛ ooole sanebimɔ nɛɛ hetoo?” Kanemɔ Hiob 21:7 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 11 lɛ nɔ.
◼ “Ani osusuɔ akɛ kɛ́ mɛi kɛ Biblia mli ŋaawoo nɛɛ tsu nii lɛ ebaaha amɛná weku shihilɛ ni yɔɔ miishɛɛ?” Kanemɔ Efesobii 5:33 lɛ, ni oŋmɛ gbɛ ni eha hetoo. No sɛɛ lɛ gbalamɔ ejwɛŋmɔ kɛya yitso 14 lɛ nɔ.
[Caption on page 6]
Kɛ́ afee nikasemɔ lɛ shii enyɔ beni afee he nɔkwɛmɔnɔ lɛ sɛɛ ní ayɛ nɔmimaa akɛ nikasemɔ lɛ baatsá nɔ lɛ, no lɛ abaanyɛ abu he akɔntaa akɛ Biblia mli nikasemɔ.