Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Feb. 15

“Mɛi komɛi susuɔ he kɛji Nyɔŋmɔ diɛŋtsɛ ko yɛ. Mɛi krokomɛi kɛɔ akɛ eyɛ shi amɛnuɔ he akɛ ekɛ amɛteŋ jɛkɛ. Ani oyɔse enɛ? [Ŋmɛɛ gbɛ ni eha hetoo.] Kadimɔ nɔ hewɔ ni Nyɔŋmɔ ni bo diɛŋtsɛ obaale lɛ lɛ he hiaa lɛ. [Kanemɔ Yohane 17:3.] Yɛ nɔ ni kɔɔ enɛ he lɛ, obaaná klɛŋklɛŋ saji ni yɔɔ wolo tɛtrɛɛ nɛɛ mli lɛ he miishɛɛ.”

Awake! Feb. 22

“Ani osusuɔ akɛ Nyɔŋmɔ yiŋtoo kɛha adesai, ni gbekɛbii fata he lɛ ji ni amɛpiŋ yɛ niyenii kpakpa ni amɛnáaa amɛye mli? [Ŋmɛɛ gbɛ ni eha hetoo.] Kadimɔ nɛkɛ shiwoo ni shɛjeɔ mɔ mii ni anaa yɛ Biblia lɛ mli nɛɛ. [Kanemɔ Lala 72:16.] Awake! nɛɛ gbaa nɔ ni kɛ niyenii kpakpa ni anáaa baa, kɛ nɔ ni he hiaa fe fɛɛ lɛ, Nyɔŋmɔ shiwoo akɛ etsɛŋ ni ebaaha eba naagbee lɛ he sane.”

The Watchtower Mar. 1

“Wɔbaasumɔ ni wɔle osusumɔ yɛ nɛkɛ ŋmalɛ ni yɔɔ miishɛɛ nɛɛ he. [Kanemɔ Mateo 5:10.] Te mɔ ko aaafee tɛŋŋ ni ená miishɛɛ yɛ be mli ni awaa lɛ yi lɛ? [Ŋmɛɛ gbɛ ni eha hetoo.] Klɛŋklɛŋ nikasemɔi enyɔ ni yɔɔ wolo tɛtrɛɛ nɛɛ mli lɛ wieɔ mɛi komɛi ni hiɛ amɛmiishɛɛ mli yɛ amɛpiŋmɔi lɛ fɛɛ asɛɛ lɛ he. Obaaná he miishɛɛ akɛ oookane bɔ ni fee ni amɛfee nakai.”

Awake! Mar. 8

“Ani okpɛlɛŋ nɔ akɛ yɛ shihilɛ mli naagbai lɛ fɛɛ sɛɛ lɛ wɔyɛ yiŋtoo ni wɔɔdamɔ nɔ wɔda shi? [Ŋmɛɛ gbɛ ni eha hetoo.] Yiŋtoo kome hewɔ ni esa akɛ wɔda shi ji bɔ ni afee wɔ aha lɛ. [Kanemɔ Lala 139:14.] Kwɛ bɔ ni wɔbaanyɛ wɔda shi akɛ wɔyɛ henumɔi ni he hiaa koni wɔnu bɔ ni wala jara wa ha lɛ shishi, taakɛ Awake! nɛɛ feɔ he mfoniri lɛ!”