Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ July 1

“Gbɔmɛi ni yɔɔ jeŋ ni eyi tɔ kɛ naagba nɛɛ mli lɛ ateŋ mɛi babaoo biɔ akɛ: ‘Mɛni hewɔ shihilɛ etsɔ naagbai sɔŋŋ nɛkɛ? Kɛ́ Nyɔŋmɔ yɛ lɛ, belɛ mɛni hewɔ efeee nɔ ko ni ekɛjie amanehulu kɛya?’ Ani osusu sane nɛɛ he pɛŋ? [Ŋmɛɛ lɛ gbɛ ni eha hetoo.] Wolo tɛtrɛɛ nɛɛ haa wɔleɔ sanebimɔi nɛɛ ahetooi ni yɔɔ faŋŋ ni Biblia lɛ kɛhaa.” Kanemɔ 2 Timoteo 3:16.

Awake! July

“Ŋmɛnɛ, gbalashihilɛi babaoo kɛ naagbai miikpe. Kanemɔ Efesobii 4:32. Ani osusuɔ akɛ kɛ́ gbalashihilɛ mli hefatalɔi kɛ ŋaawoo ni jɛ Biblia mli nɛɛ tsu nii lɛ, amɛbaaná he sɛɛ? [Ŋmɛɛ gbɛ ni eha hetoo.] Awake! nɛɛ wieɔ Biblia mli shishitoo mlai ni anyɛɔ akɛhe fɔ̃ɔ nɔ ni baanyɛ aye abua wɔ koni wɔgbalashihilɛi afee nɔ ni miishɛɛ yɔɔ mli lɛ he.”

Buu-Mɔɔ July 15

“Ani osusuɔ akɛ wɔbaaná nɔyeli ko ni baanyɛ atsu adesai anaagbai lɛ ahe nii? [Ŋmɛɛ lɛ gbɛ ni eha hetoo.] Yesu tsɔɔ ekaselɔi lɛ koni amɛsɔle yɛ nɔyeli ni tamɔ nakai he, ni aŋma enɛ he sane yɛ Mateo 6:9, 10. [Kanemɔ.] Wolo tɛtrɛɛ nɛɛ tsɔɔ nɔ̃ hewɔ ni Nyɔŋmɔ Maŋtsɛyeli lɛ nɔ kwɔ fe adesai anɔyelii lɛ mli, ni ewieɔ jɔɔmɔi hu ni adesai baaná yɛ nakai maŋtsɛyeli lɛ mli lɛ he.”

Awake! July

“Kɛ́ okɛ oblanyo loo oblayoo kpe lɛ, obaanyɛ obi lɛ akɛ: “Otipɛŋfoi babaoo miisusu gbalashihilɛ mlibotemɔ he. Nɛgbɛ osusuɔ akɛ obaanyɛ oná gbalashihilɛ he saji ni anyɛɔ akɛ he fɔ̃ɔ nɔ kɛjɛ? [Ŋmɛɛ lɛ gbɛ ni eha hetoo.] Kadimɔ mɔ ni ŋmalɛ nɛɛ tsɔɔ akɛ lɛ eto gbalashihilɛ lɛ shishi. [Kanemɔ Mateo 19:6.] Wolo tɛtrɛɛ nɛɛ wieɔ Biblia shishitoo mlai komɛi ni baaye abua wɔ koni wɔgbalashihilɛ afee nɔ ni yɔɔ miishɛɛ lɛ ahe.”