Wolo ni Jɛ Nitsumɔhe Nine

Maŋts/ɛyeli Shiɛlɔi ni Asumɔɔ:

Wɔmiida nyɛ shi babaoo yɛ suɔmɔ mli ni nyɛjɛɔ nyɛkɛ shika fĩɔ Maŋtsɛyeli lɛ he nibii lɛ anɔyaa sɛɛ lɛ hewɔ.

Onia ni nyɛtsuɔ lɛ amli ajɛɔ akalaa woji wuji kɛ woji tɛtrɛbii lɛ ni ajaa, no nɔŋŋ mli ajɛɔ akwɛɔ nyɛmimɛi ni adebɔɔ naa osharai eba amɛnɔ lɛ, ni no nɔŋŋ eko akɛmamɔɔ Maŋtsɛyeli Asai yɛ maŋ lɛ mli fɛɛ. Wɔmli filiɔ wɔ akɛ kɛjɛ afi 2000 lɛ, Kingdom Hall Construction Desk (Nitsumɔhe ni Kwɛɔ Maŋtsɛyeli Asai Amaamɔ Nɔ) lɛ eye ebua asafoi kɛmamɔ Maŋtsɛyeli Asai fe 323, ni nyɔŋ fɛɛ nyɔŋ nɔ lɛ, amamɔɔ asai heei aaafee kpaanyɔ.

Wɔmiijie nyɛyi yɛ nyɛtsuiiaŋ fɛɛ ni nyɛjɛɔ nyɛfĩɔ Asai nɛɛ amaamɔ sɛɛ lɛ hewɔ, ni nyɛfeɔ enɛ kɛtsɔ nyɛhe ni nyɛkɛwoɔ nitsumɔ lɛ mli kɛ agbɛnɛ hu niyenii kɛ shika ni nyɛkɛhaa koni akɛkwɛ nitsulɔi lɛ nɔ. Wɔhiɛ sɔɔ ekome ni nyɛkɛ wɔ feɔ yɛ Maŋtsɛyeli Asai ni amɛmaa waaa ní amɛkwramɔ hu yɔɔ mlɛo ní asaŋ afiteee shika tsɔ yɛ he ní amamɔɔ ahaa nyɛ lɛ ni nyɛkpɛlɛɔ nɔ lɛ mli, ni no baaha anyɛ amamɔ asai aha mɛi krokomɛi hu.

Asafoi babaoo kɛ anɔkwayeli miiwo shika ni akɛfa amɛ ni amɛkɛmamɔ amɛ asai lɛ. Mɛi ni yɔɔ Maŋtsɛyeli Asai lɛ eko momo lɛ jɛɔ suɔmɔ mli ni daa nyɔŋ nɔ lɛ, amɛmajeɔ shika ni akɛwoɔ fotro lɛ mli bɔni afee ni akɛma eko aha mɛi ni bɛ eko lɛ. (2 Kor. 8:14) Wɔmiijie nyɛ fɛɛ nyɛyi yɛ yelikɛbuamɔ ni tamɔ nɛkɛ ni nyɛkɛhaa lɛ hewɔ.

Eba akɛ wɔbaaya nɔ ‘wɔkɛ nii ni wɔyɔɔ lɛ awo Yehowa hiɛ nyam,’ ni wɔkɛ wɔtsui muu fɛɛ afĩ Maŋtsɛyeli lɛ sɛɛ.—Abɛi 3:9.

Nyɛnyɛmimɛi,

Ghana Nitsumɔhe Nine