Vidio ko ni Esa ákɛ akɛ Hiɛdɔɔ Asusu He
“Vidio nɛɛ haa mɔ susuɔ nii ahe kɛyaa shɔŋŋ!”
“Eta mitsuiŋ amrɔ nɔŋŋ!”
“Minu he yɛ mimli tɔ̃ɔ!”
1 Ani nakai ji bɔ ni bo hu onu he be klɛŋklɛŋ ni okwɛ vidio ni ji Young People Ask—How Can I Make Real Friends? (Oblahii kɛ Oblayei Biɔ Akɛ—Te Mafee Tɛŋŋ Maná Nanemɛi Kpakpai?) Afii komɛi ni eho lɛ, nyɛminuu fioo ko kɛ naagbai kpe yɛ eshihilɛ mli, ni fɛɛ jɛ nanemɛi ni eyabɔ hewɔ. Amɛha anɔkwale lɛ he miishɛɛ ni eyɔɔ lɛ tã, ni wekukpaa ni kã ekɛ Yehowa teŋ lɛ fite. Etsɛɛɛ ni ajie vidio ni ji Real Friends lɛ kpo. Nyɛminuu lɛ ŋma akɛ: “Mikwɛ vidio lɛ shii abɔ, ni kɛ́ miikwɛ lɛ, mihiŋmɛiiaŋ kpalaa nu. Mida Yehowa shi akɛ eye ebua mi yɛ be ni sa mli.” Vidio lɛ ha efee tsakemɔi yɛ eshihilɛ mli ni ebɔ nanemɛi kpakpai. Etsa ewiemɔ lɛ nɔ akɛ: “Eyɛ faŋŋ akɛ nyɛle nɔ̃ diɛŋtsɛ ni gbaa oblahii kɛ oblayei anaa ŋmɛnɛ.” Fɔlɔi, kɛ oblahii kɛ oblayei, nyɛaafee jogbaŋŋ akɛ nyɛaakwɛ vidio nɛɛ ekoŋŋ yɛ weku nikasemɔ ni nyiɛ sɛɛ ni nyɛbaafee lɛ mli. Kɛ́ nyɛmiikwɛ vidio lɛ ni agbe efã kome naa lɛ, nyɛmɛɛa fioo ni nyɛfea ekome ni nyɛkɛ anɔkwayeli asusu sanebimɔi ni yɔɔ kukuji ni nyiɛ sɛɛ nɛɛ amli lɛ ahe.
2 Hiɛkpamɔ: Namɔ ji naanyo kpakpa?—Abɛi 18:24.
3 Nibii ni Tsĩɔ Naanyobɔɔ Naa: Te ooofee tɛŋŋ oye henumɔ akɛ ataooo bo lɛ nɔ kunim? (Fil. 2:4) Mɛni hewɔ esa akɛ oná he miishɛɛ akɛ oootsake osubaŋ, ni namɔ baanyɛ eye ebua bo koni ofee nakai? Mɛni baaha oná nanemɛi babaoo, ni nɛgbɛ obaaná hegbɛ akɛ ofee nakai?—2 Kor. 6:13.
4 Nyɔŋmɔ Kɛ Naanyobɔɔ: Te ooofee tɛŋŋ oha wekukpãa kpakpa abakã okɛ Yehowa teŋ, ni mɛni hewɔ ehe yɔɔ sɛɛnamɔ akɛ ooofee nakai lɛ? (Lala 34:9) Namɔ baanyɛ atswa okɛ Nyɔŋmɔ teŋ naanyobɔɔ lɛ ama shi fe mɛi fɛɛ?
5 Nanemɛi Gbohii: Namɛi ji nanemɛi fɔji? (1 Kor. 15:33) Nanemɛi gbohii baanyɛ aha mɔ hiɛ akpata yɛ mumɔŋ yɛ mɛɛ gbɛ nɔ? Mɛni okaseɔ kɛjɛɔ Dina he sane ni yɔɔ Biblia lɛ mli lɛ mli?—1 Mose 34:1, 2, 7, 19.
6 Ŋmɛnɛŋmɛnɛ Beaŋ Drama: Mɛɛ hewalɛ shoofeemɔ ná yɛ Tara nɔ? Mɛni ekɛjie enaa yɛ je lɛŋ oblahii kɛ oblayei ni ekɛbɔɔ lɛ he? Mɛɛ oshara mli amɛkɛ lɛ yawo? Mɛni hewɔ efɔlɔi enaaa oshara ni no mli lɛ eyɔɔ mli lɛ, ni kɛlɛ mɛɛ su amɛjie lɛ kpo beni amɛyeɔ amɛbuaa lɛ koni ená hewalɛ yɛ mumɔŋ lɛ? Mɛɛ gbɛ nɔ nyɛmi yoo gbɛgbalɔ ko jie ehe kpo akɛ eji Tara naanyo kpakpa? Mɛni hewɔ esa akɛ Kristofoi kɛ sane ni yɔɔ Abɛi 13:20 kɛ Yeremia 17:9 lɛ atsu nii lɛ? Mɛni Tara kase ni he hiaa waa?
7 Naamuu: Mɛni okase kɛjɛ vidio nɛɛ mli? Mɛɛ gbɛ nɔ oootsɔ okɛye obua mɛi krokomɛi?—Lala 71:17.