Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Jan. 1

“Ani okɛ nɔ ni ŋmalɛ nɛɛ kɛɔ lɛ kpãa gbee? [Kanemɔ Yakobo 3:2.] Sane nɛɛ kɛ ŋaawoo ni jɛ Biblia lɛ mli ni baaye abua wɔ koni wɔkaye wɔwekumɛi awui kɛtsɔ wɔwiemɔ nɔ lɛ haa.” Okɛ sane ni jeɔ shishi yɛ baafa 10 lɛ atsɔɔ lɛ.

Awake! Jan.

“Gbalashihilɛ ko bɛ ni naagba bɛ mli. Nɛgbɛ osusuɔ akɛ gbalashihilɛ mli hefatalɔi baanyɛ aná ŋaawoo kpakpa kɛjɛ? [Ŋmɛɛ gbɛ ni eha hetoo.] Kadimɔ ŋaawoo kpakpa ni ŋmalɛ nɛɛ kɛhaa. [Kanemɔ Efesobii 5:22, 25.] Sane nɛɛ tsɔɔ nɔ ni kɛ́ ŋa ko fee lɛ etsɔɔ akɛ ebaa ehe shi ehaa ewu.” Okɛ sane ni jeɔ shishi yɛ baafa 28 lɛ atsɔɔ lɛ.

Buu-Mɔɔ Feb. 1

“Yɛ naagbai ni wɔkɛkpeɔ nɛɛ fɛɛ sɛɛ lɛ, ani osusuɔ akɛ wɔbaanyɛ wɔná toiŋjɔlɛ diɛŋtsɛ? [Ŋmɛɛ gbɛ ni eha hetoo.] Hiɛnɔkamɔ kɛha wɔsɛɛ ni Biblia lɛ kɛhaa lɛ hesusumɔ eye ebua mɛi pii. [Kanemɔ ŋmalɛi ni aŋmala loo aŋmalako amɛmli wiemɔi lɛ ni yɔɔ sane ni obaadamɔ nɔ okɛ wolo lɛ aha lɛ mli lɛ ateŋ ekome.] Wolo tɛtrɛɛ nɛɛ tsɔɔ nɔ ni Biblia lɛ kɛɔ yɛ bɔ ni fee ni wɔba shihilɛ mli, yiŋtoo ni yɔɔ wala sɛɛ, kɛ nɔ ni baaba wɔsɛɛ lɛ he.”

Awake! Feb.

“Bɔ ni awuiyeli efá sɔŋŋ hewɔ lɛ, mɛi babaoo nuɔ he akɛ amɛbɛ shweshweeshwe. Ani osusuɔ akɛ be ko baaba ní nibii baahi? [Ŋmɛɛ gbɛ ni eha hetoo.] Kwɛmɔ gbalɛ ko ni yɔɔ miishɛɛ ni akɛha yɛ Biblia lɛ mli. [Kanemɔ Lala 37:10.] Wolo tɛtrɛɛ nɛɛ wieɔ nɔ titri ni kɛ awuiyeli ba, kɛ nɔ ni Biblia lɛ tsɔɔ akɛ abaatsu yɛ naagba nɛɛ he lɛ he.”