Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Jan. 1

“Jamɔi babaoo tsɔɔ akɛ esa akɛ gbɔmɛi asumɔ amɛnanemɛi. [Kanemɔ Mateo 22:39.] Shi kɛlɛ, mɛni hewɔ osusuɔ akɛ jamɔ kɛ ehe woɔ tai kɛ béi babaoo ni yaa nɔ yɛ je lɛ mli lɛ amli lɛ? [Ŋmɛɛ gbɛ ni eha hetoo.] Buu-Mɔɔ nɛɛ pɛiɔ sanebimɔ ni ji, Ani jamɔ baanyɛ afee adesai ekome? lɛ mli.”

Awake! Jan. 8

“Te obaaha sanebimɔ nɛɛ hetoo oha tɛŋŋ? [Kanemɔ sanebimɔ ni yɔɔ wolo lɛ sɛɛ lɛ. No sɛɛ lɛ ŋmɛɛ gbɛ ni eha hetoo.] Shikpɔŋ lɛ nɔ nibii miitã yɛ gbɛ ni yɔɔ gbeyei nɔ. Shi kɛlɛ, kadimɔ shiwoo ni haa mɔ tsui nyɔɔ emli nɛɛ. [Kanemɔ Lala 104:5.] Awake! nɛɛ tsɔɔ bɔ ni etsɛŋ ni abaasaa wɔshikpɔŋ nɛɛ kwraa aha lɛ mli.”

Buu-Mɔɔ Jan. 15

“Wɔ fɛɛ wɔsumɔɔ ni wɔkɛ wɔbii lɛ aná shihilɛ kpakpa, shi mɛi pii nuɔ he akɛ amɛbɛ nyɛmɔ ni baaha amɛnine ashɛ nɔ. Ani osusuɔ akɛ wɔbaanyɛ wɔtsɔɔ bɔ ni wɔ wɔsɛɛ shihilɛ baaji? [Ŋmɛɛ gbɛ ni eha hetoo.] Wolo tɛtrɛɛ nɛɛ damɔɔ Biblia lɛ nɔ etsɔɔ akɛ wɔbaanyɛ, ni ákɛ wɔ wɔsɛɛ shihilɛ damɔ nibii ni wɔhalaa amrɔ nɛɛ nɔ.” Kanemɔ 5 Mose 30:19.

Awake! Jan. 22

“Kɛ́ wɔkɛ gbɔmɔtsoŋ hewalɛnamɔ he naagbai kpe lɛ, wɔ fɛɛ wɔhiɛ sɔɔ datrɛfonyo ko ni susuɔ wɔhenumɔi ahe lɛ waa. Shi ani osusuɔ akɛ helatsɛmɛi susuɔ amɛdatrɛfoi lɛ ahenumɔi ahe? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ naagbai ni datrɛfoi kɛkpeɔ kɛ nɔ ni yɔɔ wɔsɛɛ be mli kɛha tsofafeemɔ lɛ mli.” Kanemɔ Yesaia 33:24.