Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ February 1

“Wɔteŋ mɛi babaoo yɛ wɔ diɛŋtsɛ wɔjamɔ. Ani osusuɔ akɛ Nyɔŋmɔ susuɔ gbɛ nɔ ni wɔsumɔɔ ni wɔjá lɛ lɛ he? [Ŋmɛɛ gbɛ ni eha hetoo. No sɛɛ lɛ kanemɔ Mateo 15:9.] Sane ni yɔɔ biɛ lɛ gbálaa anɔkwa jamɔ nifeemɔi ejwɛ komɛi ni Yesu wie he lɛ mli.” Okɛ sane ni jeɔ shishi yɛ baafa 16 lɛ atsɔɔ lɛ.

Awake! February

“Mɛi komɛi heɔ amɛyeɔ akɛ Bɔlɔ ko yɛ, shi mɛi krokomɛi hu susuɔ akɛ jeŋ nilee fĩii hemɔkɛyeli ni tamɔ nɛkɛ lɛ sɛɛ, ni jwɛŋmɔ bɛ mli. Te bo hu osusuɔ tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ, anɔkwa hemɔkɛyeli damɔɔ odaseyeli nɔ. [Kanemɔ Hebribii 11:1.] Sane ni yɔɔ biɛ lɛ kɛ odaseyelii komɛi haa ni tsɔɔ akɛ Bɔlɔ ko yɛ.” Okɛ sane ni jeɔ shishi yɛ baafa 22 lɛ atsɔɔ lɛ.

Buu-Mɔɔ March 1

“Ani obuɔ Biblia lɛ akɛ eji Nyɔŋmɔ Wiemɔ, aloo osusuɔ akɛ eji wolo kpakpa ko kɛkɛ? [Ŋmɛɛ gbɛ ni eha hetoo.] Kadimɔ nɔ ni Biblia lɛ diɛŋtsɛ kɛɔ. [Kanemɔ 2 Timoteo 3:16, 17.] Wolo tɛtrɛɛ nɛɛ tsɔɔ bɔ ni wɔbaanyɛ wɔkpɛ wɔyiŋ yɛ sane nɛɛ he kɛ nɔ̃ hewɔ ni ehe hiaa akɛ wɔfee nakai lɛ mli.”

Awake! March

“Taakɛ eji yɛ mɛi pii agbɛfaŋ lɛ, ekolɛ bo hu onyãa adebɔɔ nibii ni yɔɔ fɛo lɛ ahe. Ani okpɛlɛɔ nɔ akɛ adebɔɔ nibii haa anaa akɛ nilelɔ ko to nibii ahe gbɛjianɔ? [Ŋmɛɛ gbɛ ni eha hetoo. No sɛɛ lɛ kanemɔ Lala 104:24.] Wolo tɛtrɛɛ nɛɛ wieɔ adebɔɔ nibii ni yɔɔ miishɛɛ lɛ ekomɛi ahe, kɛ nɔ ni nibii nɛɛ haa wɔkaseɔ.”