Nɔ ni Esa akɛ Owie yɛ Woji Tɛtrɛbii lɛ Ahe

The Watchtower March 1

Kanemɔ 2 Mose 20:15. No sɛɛ lɛ kɛɛmɔ akɛ: “Eyɛ mli akɛ mɛi babaoo bɔɔ mɔdɛŋ ni amɛye fãmɔ nɛɛ nɔ moŋ, shi mɛi komɛi susuɔ akɛ kɛ́ efi lɛ, abaanyɛ aju loo afee nibii krokomɛi ni etsɔɔɔ anɔkwayeli. Te bo hu osusuɔ tɛŋŋ? [Ŋmɛɛ gbɛ ni eha hetoo.] Sane ni yɔɔ biɛ lɛ tsɔɔ sɛɛnamɔ ni yɔɔ anɔkwa ni aaaye be fɛɛ be lɛ he.” Okɛ sane ni jeɔ shishi yɛ baafa 12 lɛ atsɔɔ lɛ.

Awake! March

“Mɛi babaoo yɛ bulɛ kɛha Biblia lɛ, shi amɛsusuɔ akɛ efãi babaoo he bɛ sɛɛnamɔ tsɔ kɛha jeŋ ni wɔyɔɔ mli amrɔ nɛɛ. Te bo hu osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ Romabii 15:4.] Sane ni yɔɔ biɛ lɛ tsɔɔ nɔ hewɔ ni Biblia lɛ mli saji ni etsɛ waa lɛ po he yɔɔ sɛɛnamɔ lolo lɛ.” Okɛ sane ni jeɔ shishi yɛ baafa 28 lɛ atsɔɔ lɛ.

The Watchtower April 1

“Kɛ́ abi ni mɛi atsɔɔ mɔ ni ená mɛi ashihilɛ nɔ hewalɛ fe fɛɛ yɛ yinɔsane mli lɛ, mɛi babaoo tsɛɔ Yesu. Ani lɛ ji mɔ ni obaatsɛ? [Ŋmɛɛ gbɛ ni eha hetoo.] Kadimɔ nɔ hewɔ ni esa akɛ wɔbɔ mɔdɛŋ wɔtao saji srɔtoi ni kɔɔ ehe lɛ mli koni wɔle anɔkwale lɛ. [Kanemɔ Yohane 17:3.] Buu-Mɔɔ krɛdɛɛ nɛɛ tsɔɔ nɔ ni Biblia lɛ kɛɔ diɛŋtsɛ yɛ Yesu kɛ etsɔɔmɔi lɛ ahe.”

Awake! April

“Etamɔ nɔ ni wɔbɛ be ni fá ni wɔkɛbaatsu nibii fɛɛ ni wɔsumɔɔ ni wɔfee lɛ he nii. Ani okpɛlɛɔ nɔ nakai? [Ŋmɛɛ gbɛ ni eha hetoo.] Ŋaawoo nɛɛ eye ebua mɛi babaoo. [Kanemɔ Filipibii 1:10.] Wolo tɛtrɛɛ nɛɛ kɛ ŋaawoo ni baaye abua wɔ koni wɔkɛ wɔbe atsu nii jogbaŋŋ lɛ haa.”