Nɔ ni Esa akɛ Owie yɛ Woji Tɛtrɛbii lɛ Ahe

The Watchtower March 1

“Mɛi hiɛ susumɔi srɔtoisrɔtoi yɛ mɔ ni Yesu ji lɛ he. Ani onaa lɛ akɛ eji Nyɔŋmɔ bi aloo gbɔmɔ kpakpa ko kɛkɛ?” Ŋmɛɛ lɛ gbɛ ni eha hetoo. No sɛɛ lɛ, okɛ lɛ akane saji ni yɔɔ sanebimɔi ni adiki mli lɛ shishi, yɛ baafa 16-17, lɛ ateŋ ekome kɛ ŋmalɛi ni atsɛ yisɛɛ lɛ hu ateŋ ekome. Okɛ woji tɛtrɛbii lɛ aha lɛ, ni okɛ lɛ ato be ni oku osɛɛ okɛ lɛ ayasusu sanebimɔ ni nyiɛ sɛɛ lɛ hetoo lɛ he.

Awake! March

Kɛ́ okɛ oblanyo loo oblayoo ko kpe lɛ, okɛ sane ni jeɔ shishi yɛ baafa 26 lɛ atsɔɔ lɛ. Okɛ klɛŋklɛŋ saneyitso bibioo lɛ atsɔɔ lɛ ni obi akɛ, “Kɛ́ okwɛ lɛ, saji nɛɛ ji anɔkwale loo amale? [Ŋmɛɛ lɛ gbɛ ni eha hetoo. No sɛɛ lɛ, kanemɔ 2 Korintobii 7:1.] Sane nɛɛ tsɔɔ nɔ ni esa akɛ ole yɛ zigareti shɛremɔ he, kɛ agbɛnɛ hu bɔ ni ooofee okpa shɛremɔ.”

The Watchtower April 1

“Mɛi pii yɛ hemɔkɛyelii srɔtoisrɔtoi yɛ Yesu he. Ani osusuɔ akɛ ehe miihia ni ale anɔkwale ni kɔɔ ehe lɛ? [Ŋmɛɛ lɛ gbɛ ni eha hetoo. No sɛɛ lɛ, kanemɔ Yohane 17:3.] Wolo tɛtrɛɛ nɛɛ tsɔɔ nɔ ni Biblia lɛ kɛɔ yɛ Yesu he—he ni ejɛ, bɔ ni ehi shi eha, kɛ nɔ hewɔ ni egbo.”

Awake! April

“Ani okpɛlɛɔ nɔ akɛ suɔlɔ ko gbele ji shihilɛi ni naa wa fe fɛɛ ni adesa ko aaanyɛ akpee naa lɛ ateŋ ekome? [Ŋmɛɛ lɛ gbɛ ni eha hetoo.] Ŋmalɛ nɛɛ eye ebua mɛi babaoo. [Kanemɔ Lala 55:23.] Wolo tɛtrɛɛ nɛɛ tsɔɔ gbɛi komɛi ni sa jogbaŋŋ ni wɔɔtsɔ nɔ wɔkpee awerɛhoyeli naa, kɛ agbɛnɛ hu bɔ ni wɔɔfee wɔshɛ wɔjatsu wɔfɔ̃ Nyɔŋmɔ nɔ.”