Nɔ ni Esa akɛ Owie yɛ Woji Tɛtrɛbii lɛ Ahe

The Watchtower October 1

“Efeɔ mɛi pii akɛ Nyɔŋmɔ susuuu naagbai ni wɔteŋ mɔ fɛɛ mɔ kɛkpeɔ kɛ awerɛho ni wɔyeɔ lɛ he. Te osusuɔ tɛŋŋ? [Ŋmɛɛ lɛ gbɛ ni eha hetoo. No sɛɛ lɛ, kanemɔ Lala 34:19.] Sane ni jeɔ shishi yɛ baafa 19 lɛ tsɔɔ bɔ ni Nyɔŋmɔ yeɔ ebuaa wɔ koni wɔnyɛ wɔye henumɔi gbohii tamɔ nu ni wɔnuɔ he akɛ wɔhe bɛ sɛɛnamɔ, awerɛhoyeli tuutu, kɛ wɔhenilee ni gbaa wɔnaa fe nine lɛ anɔ.”

Awake! October

“Mɛi komɛi naa Nyɔŋmɔ akɛ hewalɛ ko kɛkɛ. Mɛi krokomɛi hu naa lɛ akɛ eji mɔ ko ni yɔɔ henumɔi. Te bo hu osusuɔ tɛŋŋ? [Ŋmɛɛ lɛ gbɛ ni eha hetoo.] Kadimɔ nɔ ni ŋmalɛ nɛɛ kɛɔ lɛ. [Kanemɔ 1 Petro 5:6, 7.] Sane ni jeɔ shishi yɛ baafa 29 lɛ haa sanebimɔ ni ji, Ani Nyɔŋmɔ ji mɔ ko ni yɔɔ diɛŋtsɛ? lɛ hetoo kɛjɛɔ Biblia lɛ mli.”

The Watchtower November 1

“Wɔteŋ mɔ fɛɛ mɔ miisumɔ ni etsui anyɔ emli. Ani osusuɔ akɛ ja wɔná shika dani wɔtsui baanyɔ wɔmli? [Ŋmɛɛ lɛ gbɛ ni eha hetoo.] Biblia ŋmalɔ ko kase bɔ ni eeeha etsui anyɔ emli yɛ nɔ ko fioo ni eyɔɔ lɛ he. [Kanemɔ Filipibii 4:11, 12.] Wolo tɛtrɛɛ nɛɛ wieɔ nibii enumɔ ni Biblia lɛ tsɔɔ akɛ ebaanyɛ eha mɔ tsui anyɔ emli lɛ ahe.”

Awake! November

“Mɛi ni heee yeee akɛ Nyɔŋmɔ yɛ lɛ ateŋ mɛi komɛi damɔɔ nibii gbohii ni afeɔ yɛ Nyɔŋmɔ gbɛ́i amli lɛ nɔ amɛsusuɔ akɛ je lɛ baafee he ko ni yɔɔ shweshweeshwe kɛji jamɔ ko bɛ. Te osusuɔ tɛŋŋ? [Ŋmɛɛ lɛ gbɛ ni eha hetoo.] Ŋmalɛ nɛɛ tsɔɔ yiŋtoo kome hewɔ ni apasa jamɔ eha mɛi ena nɔ̃ babaoo nakai lɛ. [Kanemɔ 2 Timoteo 4:3, 4.] Wolo tɛtrɛɛ nɛɛ tsɔɔ nɔ hewɔ ni mɛi ni heee yeee akɛ Nyɔŋmɔ yɛ lɛ asusumɔ lɛ ejaaa lɛ.”