Asusuŋ Daa Gbi Ŋmalɛ lɛ He Dɔŋŋ yɛ Kpeei Kɛha Shiɛmɔyaa Shishi
Be ko ni eho lɛ, anyɛɔ asusuɔ daa gbi ŋmalɛ lɛ he kuku yɛ kpeei kɛha shiɛmɔyaa shishi kɛji ekɔɔ shiɛmɔ nitsumɔ lɛ he. Amrɔ nɛɛ, aafee tsakemɔ yɛ enɛ mli. Esaaa akɛ akɛ Ŋmalɛi lɛ Amli ni Wɔɔkwɛ Daa wolo lɛ tsuɔ nii kɛfeɔ kpee kɛha shiɛmɔyaa dɔŋŋ. Taakɛ afeɔ momo lɛ, mɛi ni kwɛɔ kpeei kɛha shiɛmɔyaa anɔ lɛ baanyɛ amɛkɛ Biblia lɛ, Wɔ Maŋtsɛyeli Sɔɔmɔ lɛ, Sɔɔmɔ Skul wolo lɛ, Reasoning wolo lɛ, kɛ woji krokomɛi ni kɔɔ shiɛmɔ nitsumɔ lɛ he lɛ atsu nii. Esa akɛ mɛi ni kwɛɔ kpeei kɛha shiɛmɔyaa anɔ lɛ asaa amɛhe ni amɛkɛ mɛi ni baaya shiɛmɔ nakai gbi lɛ asusu nɔ ko ni sa jogbaŋŋ ni baaye abua amɛ lɛ he. Taakɛ afeɔ momo lɛ, esaaa akɛ kpeei kɛha shiɛmɔyaa lɛ yeɔ fe minitii 10 kɛmiimɔ 15, ni kɛ́ abaafee enɛ beni akpa asafoŋ kpee sɛɛ lɛ, esa akɛ efee kuku po fe nakai.