Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ September mli

“Maji srɔtoi anɔ bii kɛ jamɔ srɔtoi amlibii sɔleɔ daa gbi. Ani osusuɔ akɛ Nyɔŋmɔ boɔ sɔlemɔi fɛɛ toi ni ehaa sɔlemɔi fɛɛ ahetoo?” Ŋmɛɛ gbɛ ni eha hetoo. No sɛɛ lɛ, okɛ September 1 Blɔfo Buu-Mɔɔ lɛ eko aha shĩatsɛ lɛ, ní okɛ lɛ asusu sane ni yɔɔ klɛŋklɛŋ saneyitso fioo ni yɔɔ baafa 16 lɛ kɛ ŋmalɛi ni atsɛ yisɛɛ lɛ ateŋ ekome loo nɔ̃ he. Okɛ woji tɛtrɛbii lɛ aha lɛ, ni okɛ lɛ ato be ní obaaku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower September 1

Okɛ sanebimɔ ni yɔɔ Buu-Mɔɔ lɛ hiɛ lɛ atsɔɔ shĩatsɛ lɛ, ni obi lɛ akɛ: “Te obaaha sanebimɔ nɛɛ hetoo oha tɛŋŋ? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ. [Kanemɔ 1 Yohane 5:19.] Ŋmalɛ nɛɛ miitsɔɔ akɛ “mɔ fɔŋ lɛ,” loo Abonsam, miiye je lɛ nɔ. Shi sane nɛɛ teɔ sanebimɔi komɛi ashi. Te fee tɛŋŋ Abonsam ba shihilɛ mli? Ani eji mɔ ko ni yɔɔ diɛŋtsɛ po? Nyɔŋmɔ baaŋmɛ lɛ gbɛ ni eye nɔ kɛyashi mɛɛ be? Wolo tɛtrɛɛ nɛɛ haa anaa nɔ ni Biblia lɛ kɛɔ yɛ sanebimɔi nɛɛ ahe.”

Awake! September

“Ŋmɛnɛ lɛ, shika he naagbai eha mɛi babaoo efee yeyeeye. Osusuɔ akɛ mɛni hewɔ etɔɔ mɛi waa dani amɛnáa amɛdaaŋ ŋmaa lɛ? [Ŋmɛɛ gbɛ ni eha hetoo.] Saji ni nilee yɔɔ mli ni baanyɛ aye abua mɛi babaoo koni amɛle bɔ ni amɛaakwɛ amɛshika nɔ lɛ yɛ Biblia lɛ mli. [Kanemɔ ŋmalɛi ni yɔɔ baafa 8-9 lɛ ateŋ ekome.] Ŋaawoi kpakpai yɛ wolo tɛtrɛɛ nɛɛ mli kɛha mɛi ni ewaa kɛhaa amɛ akɛ amɛaawo amɛhe nyɔji.”