Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ September mli lɛ nɔ

“Mɛi babaoo heɔ amɛyeɔ akɛ Nyɔŋmɔ eto gbi ko ni ebaadamɔ amɛnifeemɔi anɔ ekojo amɛ. Ani osusuɔ akɛ Kojomɔ Gbi lɛ ji nɔ ko ni esa akɛ akɛ miishɛɛ akpa gbɛ loo eji nɔ ko ni esa akɛ eha ŋmiŋmi amɔ mɔ? [Ŋmɛɛ gbɛ ni eha hetoo.] Kwɛmɔ nɔ ni wolo nɛɛ kɛɔ.” Okɛ September 1 Blɔfo Buu-Mɔɔ aha lɛ, ni okɛ lɛ afee ekome kɛsusu sane ni yɔɔ klɛŋklɛŋ saneyitso fioo ni yɔɔ baafa 16 lɛ shishi lɛ he, ni okane ŋmalɛi ni yɔɔ jɛmɛ lɛ ateŋ ekome loo nɔ. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower September 1

“Yɛ je lɛŋ hei babaoo lɛ, abuɔ yei akɛ mɛi ni esaaa hegbɛi komɛi, ni afeɔ amɛ niseniianii hu. Dɔlɛ sane ji akɛ, jamɔŋ hemɔkɛyelii komɛi fata nibii ni haa ebaa lɛ nakai lɛ ahe. Ani osusuɔ akɛ Nyɔŋmɔ susuɔ yei ahe lɛɛlɛŋ? [Ŋmɛɛ gbɛ ni eha hetoo.] Kwɛmɔ gbɛtsɔɔmɔi ni Biblia lɛ kɛhaa wumɛi yɛ bɔ ni esa akɛ amɛkɛ amɛŋamɛi aye aha lɛ he. [Kanemɔ Efesobii 5:28, 29.] Wolo tɛtrɛɛ nɛɛ tsɔɔ nɔ ni Biblia lɛ kɛɔ yɛ bɔ ni Nyɔŋmɔ naa yei ehaa lɛ he.”

Awake! September

“Mɛi babaoo kɛɔ akɛ be ko baashɛ ni tsei, kooloi, kɛ adesai ashishi baabule yɛ shikpɔŋ lɛ nɔ, ekolɛ yɛ nuklea ta loo adebɔɔ naa oshara ko tamɔ ŋwɛiniiaŋ tɛ ko ni baagbee shikpɔŋ lɛ nɔ loo kɔɔyɔŋ tsakemɔ kpele ko ni baaba jeŋ fɛɛ lɛ hewɔ. Ani osusuɔ akɛ hiɛkpatamɔ he gbalɛi ni tamɔ nɛkɛ lɛ ja loo osusuɔ akɛ amɛji yiŋsusumɔi kɛkɛ? [Ŋmɛɛ gbɛ ni eha hetoo.] Biblia lɛ kɛ shiwoo ni haa mɔ tsui nyɔɔ emli nɛɛ haa. [Kanemɔ Lala 37:29.] Wolo tɛtrɛɛ nɛɛ wieɔ nibii komɛi ni mɛi fɔɔ kɛɛmɔ akɛ nomɛi kɛ hiɛkpatamɔ baaba lɛ he, ni kɛfata he lɛ, etsɔɔ nibii ni sa ni Biblia lɛ ewie akɛ amɛbaaba mli wɔsɛɛ.”