Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ November mli lɛ nɔ

“Ani osusuɔ akɛ mɛi ni bɔɔ mɔdɛŋ amɛboɔ Nyɔŋmɔ toi lɛ yɛ miishɛɛ fe mɛi ni booo lɛ toi lɛ? [Ŋmɛɛ gbɛ ni eha hetoo.] Sane nɛɛ wieɔ otii komɛi ni obaaná he miishɛɛ waa lɛ ahe.” Okɛ November 1 Blɔfo Buu-Mɔɔ lɛ eko aha shĩatsɛ lɛ, ní okɛ lɛ akane sane ni yɔɔ saneyitsei bibii ni yɔɔ baafa 16-17 lɛ shishi lɛ ateŋ ekome, ní nyɛsusu he. Okɛ lɛ akane kɛ́ hooo lɛ ŋmalɛi lɛ ateŋ ekome. Okɛ woji tɛtrɛbii lɛ aha lɛ, ni okɛ lɛ ato be ní obaaku osɛɛ okɛ lɛ ayasusu sanebimɔ ni nyiɛ sɛɛ lɛ hetoo lɛ he.

The Watchtower November 1

“Mɛi komɛi susuɔ akɛ nɔ ni Biblia lɛ kɛɔ yɛ bɔlɛnamɔ he lɛ yɛ kpɛŋŋ tsɔ ni ebe hu eho. Mɛi krokomɛi hu kpɛlɛɔ nɔ ni Biblia lɛ kɛɔ lɛ nɔ. Bo hu te osusuɔ tɛŋŋ? [Ŋmɛɛ gbɛ ni eha hetoo.] Kadimɔ nɔ ni ŋmalɛ nɛɛ kɛɔ yɛ he ni Biblia mli shishitoo mlai lɛ jɛ lɛ he. [Kanemɔ 2 Timoteo 3:16.] Wolo tɛtrɛɛ nɛɛ tsɔɔ hetoo ni Biblia lɛ kɛhaa yɛ saji nyɔŋma ni afɔɔ bimɔ yɛ bɔlɛnamɔ he lɛ he. Agbɛnɛ hu, etsɔɔ bɔ ni Biblia mli shishitoo mlai lɛ yeɔ kɛbuaa wɔ.”

Awake! November

“Kɛ́ okwɛ jeŋ muu ni bɔle wɔ lɛ jogbaŋŋ lɛ, te obaamu sane naa oha tɛŋŋ—ani etsɔɔ akɛ Bɔlɔ ko yɛ aloo etsɔɔ akɛ nɔ fɛɛ nɔ ba trukaa? [Ŋmɛɛ gbɛ ni eha hetoo.] Naa bɔ ni Biblia ŋmalɔ ko mu sane naa eha beni ekwɛ jeŋ muu lɛ fɛɛ lɛ. [Kanemɔ Romabii 1:20.] Wolo tɛtrɛɛ nɛɛ tsɔɔ nɔ ni adebɔɔ nibii ahe nilelɔi ena yɛ adesa wala yibii lɛ he ní haa wɔleɔ sane nɛɛ he nii babaoo.”