Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ November mli lɛ nɔ

“Wɔteaŋ mɛi babaoo miisumɔ ni wɔná nɔyeli kpakpa. Yɛ osusumɔ naa lɛ, mɛɛ nɔyeli baanyɛ atsu adesai anaagbai ahe nii? [Ŋmɛɛ gbɛ ni eha hetoo.] Kadimɔ nɔ ni sane nɛɛ kɛɔ.” Okɛ November 1 Watchtower lɛ aha lɛ, koni okɛ lɛ asusu sane ni yɔɔ klɛŋklɛŋ saneyitso fioo ni yɔɔ baafa 16 lɛ shishi lɛ, kɛ ŋmalɛi ni yɔɔ jɛmɛ lɛ ekome ko he. Okɛ woji tɛtrɛbii lɛ aha lɛ koni oto gbɛjianɔ okɛ lɛ ayasusu sanebimɔ ni nyiɛ sɛɛ lɛ he.

The Watchtower November 1

“Wɔbaasumɔ ni wɔle osusumɔ yɛ sane nɛɛ he. Kɛ́ akɛɛ obi Nyɔŋmɔ sane kome lɛ, mɛɛ sane obaabi lɛ? [Ŋmɛɛ gbɛ ni eha hetoo.] Yesu tsɔɔ akɛ, ehi jogbaŋŋ akɛ wɔbaatao sanebimɔi ni kã wɔtsui nɔ lɛ ahetoi. [Kanemɔ Mateo 7:7.] Wolo tɛtrɛɛ nɛɛ kɛ Biblia lɛ hetoi kɛha sanebimɔi etɛ ni he hiaa nɛɛ haa.” Okɛ sanebimɔi ni yɔɔ baafa 3 lɛ shishigbɛ lɛ atsɔɔ lɛ.

Awake! November

“Wɔmiisara wekui fɛɛ ŋmɛnɛ akɛ wɔmaŋ sɔɔmɔ lɛ fã. Wekui ni fɔlɔ kome pɛ yɔɔ mli lɛ ayi efa waa. Ani osusuɔ akɛ amɛnaagbai lɛ fa kwraa fe wekui ni fɔlɔi enyɔ lɛ fɛɛ yɔɔ mli lɛ? [Ŋmɛɛ gbɛ ni eha hetoo.] Fɔlɔi babaoo ená ŋaawoi ni sa yɛ Biblia lɛ mli. [Kanemɔ 2 Timoteo 3:16.] Wolo tɛtrɛɛ nɛɛ tsɔɔ ŋaawoi komɛi ni baaye abua wekui ni fɔlɔ komekomei yɔɔ mli lɛ koni amɛnyɛ amɛtsu amɛsɔ̃i lɛ ahe nii.