Bɔ ni Wɔɔfee Wɔná Maŋtsɛyeli Lalai Ahe Sɛɛ Jogbaŋŋ

Nyɔŋmɔ tsuji buɔ lala akɛ eji nikeenii kpakpai ni jɛ Yehowa ŋɔɔ lɛ ateŋ ekome. (Yak. 1:17) Asafoi babaoo tswaa Maŋtsɛyeli lalai lɛ blɛoo dani amɛjeɔ amɛsafoŋ kpeei ashishi kɛ beni amɛkpa. Teokrase lalai atswaa ji gbɛ kome ni atsɔɔ nɔ akpeɔ wɔ kɛbaa asafoŋ kpeei ashishi. Eyeɔ ebuaa wɔ koni wɔsaa wɔjwɛŋmɔ kɛha Nyɔŋmɔ jamɔ. Kɛfata he lɛ, kɛ́ atswa lalai heei ni yɔɔ wɔlalawolo lɛ mli lɛ, ehaa wɔleɔ bɔ ni aláa lalai nɛɛ ahaa, ni no yeɔ ebuaa wɔ koni wɔnyɛ wɔlá lalai lɛ jogbaŋŋ. Kɛ́ atswa lalai nɛɛ beni akpa asafoŋ kpee lɛ, ehaa wɔnáa miishɛɛ ni wɔkɛ wɔhe gbaa sane ni wɔwowoɔ wɔhe hewalɛ. No hewɔ lɛ, esa akɛ onukpai akui ato gbɛjianɔ ni sa koni atswa Sing to Jehovah—Piano Accompaniment lalai lɛ dani aje asafoŋ kpee shishi, ni afee nakai hu kɛ́ akpa. Esa akɛ amɛkwɛ koni lalai lɛ anaa akawa tsɔ bɔni afee ni mɛi anyɛ agba sane.