Young People Ask—What Will I Do With My Life? (Fã 1)
Beni gbekɛbii miidara kɛbatsɔmɔ onukpai lɛ, ehe bahiaa ni amɛkpɛ yiŋ ni he hiaa waa. Ato vidio ni ji Young People Ask—What Will I Do With My Life? lɛ he gbɛjianɔ koni eye ebua amɛ. Kɛ́ okɛ DVD lɛ wo tsɔne ni akɛjieɔ vidio lɛ mli ni eba lɛ, halamɔ Play Drama, koni kɛ́ okwɛ ogbe naa lɛ, okwɛ akɛ obaanyɛ oha sanebimɔi 1 kɛyashi 7 lɛ ahetoo lo. No sɛɛ lɛ, halamɔ Interviews yɛ he ni ohala Play Drama, lɛ yɛ lɛ nɔŋŋ, ni ohala Looking Back, koni no sɛɛ lɛ, okwɛ akɛ obaanyɛ oha sanebimɔi 8 kɛyashi 13 lɛ ahetoo lo.
Drama: (1) Shihilɛi ni Kristofoi oblahii kɛ oblayei babaoo kɛkpeɔ ŋmɛnɛ lɛ tamɔ Timoteo nɔ lɛ yɛ mɛɛ gbɛ nɔ? (2) Mɛɛ gbɛ nɔ anyɛ Andre nɔ koni etiu foidamɔ ni ehe akpɔ yɛ mli? (3) Mɛni Nyɛminuu Fleissig kɛɛ Andre yɛ saji ni nyiɛ sɛɛ nɛɛ ahe? (a) Mɔ he ni etuɔ ehaa Yehowa kɛ ehe ni etuɔ ehaa kpɔiaŋgbɔlemɔ. (Mat. 6:24) (b) Nɔ ni kɛ miishɛɛ diɛŋtsɛ baa. (d) Nɔ ni tsɛŋsi ni ekɛjɛ yiwalɛ ŋsara lɛŋ lɛ haa ekaiɔ. (e) Mɛi ni fata ekɛ eŋa he yɛ mfoniri lɛ mli lɛ. (ɛ) Sane ni Andre bi lɛ kɛji eshwa ehe yɛ tsakemɔ ni efee yɛ otii ni ekɛmamɔ ehiɛ lɛ ahe lɛ. (Fil. 3:8) (4) Beni Andre bi enaa akɛ, “Ani tɔmɔ yɛ he akɛ matsɔ foidalɔ ni ehé gbɛ́i waa?” lɛ, mɛɛ gbɛ nɔ enaa tsɔ eha lɛ hetoo? (Luka 4:5-7) (5) Ani kunim ni Andre ye yɛ foidamɔ lɛ mli lɛ ha etsui nyɔ emli diɛŋtsɛ? (6) Mɛni ohiɛ sɔ waa yɛ Nyɛminuu Fleissig wolo ni eshi eha Andre lɛ he? (Abɛi 10:22) (7) Mɛni Nyɛminuu Fleissig ye ebua Andre ni ebayɔse?
Looking Back: (8) Mɛɛ nitsumɔi nyɛmi nuu lɛ kɛ nyɛmi yoo lɛ tiu, ni mɛni hewɔ? (9) Nɛgbɛ tɔ̃ɔ amɛshɛ yɛ amɛnitsumɔi lɛ amli? (10) Mɛni ha amɛteŋ mɔ fɛɛ mɔ tsake eshihilɛ? (2 Kor. 5:15) (11) Mɛɛ teokrase nitsumɔi amɛkɛye amɛtsutsu nitsumɔi lɛ najiaŋ, ni mɛni hewɔ amɛnu he akɛ amɛnyɛŋ amɛtiu enyɔ lɛ fɛɛ lɛ? (12) Ani amɛshwa amɛhe akɛ amɛtsake otii ni amɛkɛmamɔ amɛhiɛ lɛ? (13) Te saji ni amɛwie lɛ ateŋ nɔ ni ha okɛ hiɛdɔɔ susu nɔ ni esa akɛ okɛ owala afee lɛ he?
Ofainɛ ni okwɛ interviews kɛ supplementary material krokomɛi ni eshwɛ lɛ koni okɛsaa ohe kɛha sane hetoohamɔ yɛ Sɔɔmɔ Kpee ni abaafee ŋmɛnɛ otsi lɛ shishi.