Wɔ-Wɛb Saiti lɛ—Afee Koni Eye Ebua Wɔ kɛ Mɛi Krokomɛi

Yesu fã wɔ akɛ wɔshiɛ Maŋtsɛyeli lɛ he sanekpakpa lɛ yɛ “je nɛŋ fɛɛ, ní akɛye jeŋmaji lɛ fɛɛ odase.” (Mat. 24:14) Bɔni afee ni wɔnyɛ ‘wɔgbe wɔsɔɔmɔ lɛ naa kwraa’ lɛ, afee watchtower.org, jw-media.org, kɛ jw.org lɛ fɛɛ ekome, ni afee lɛ jw.org Wɛb saiti ní atsake hiɛ lɛ.—2 Tim. 4:5.

“Je Nɛŋ Fɛɛ”: Kɛ́ aja mɛi fɛɛ ni yɔɔ je lɛ mli lɛ amli etɛ lɛ, amɛmli fã kome kɛ Intanɛt lɛ tsuɔ nii. Ebatsɔ he titri ni mɛi babaoo, titri lɛ oblahii kɛ oblayei náa saji kɛjɛɔ. Wɔ-saiti lɛ haa mɛi ni kɛ Intanɛt lɛ tsuɔ nii lɛ náa Biblia mli sanebimɔi ahetoi ni ja. Ehaa amɛleɔ Yehowa gbɛjianɔtoo lɛ, ni ehaa efeɔ mlɛo kɛhaa amɛ akɛ amɛaabi ni akɛ amɛ abafee shĩa Biblia mli nikasemɔ ni aheee nɔ ko. Enɛ haa sanekpakpa lɛ yashɛɔ mɛi ni yɔɔ shikpɔŋ lɛ nɔ hei ni ewa akɛ amɛaanu Maŋtsɛyeli lɛ he sane lɛ aŋɔɔ.

“Jeŋmaji lɛ Fɛɛ”: Bɔni afee ni anyɛ aye “jeŋmaji lɛ fɛɛ” odase lɛ, esa ákɛ wɔkɛ Biblia mli anɔkwalei lɛ aha yɛ wiemɔi srɔtoi amli. Mɛi ni yaa jw.org lɛ nɔ lɛ baanyɛ aná saji yɛ wiemɔi aaafee 400 amli, fe nɔ ni amɛbaanyɛ amɛná yɛ Wɛb saiti krokomɛi fɛɛ anɔ.

Okɛtsu Nii Jogbaŋŋ: Afeee jw.org Wɛb saiti ní atsake hiɛ lɛ, ní akɛshiɛ aha mɛi ni bɛ asafo lɛ mli lɛ pɛ. Afee ni Yehowa Odasefoi hu kɛtsu nii. Kɛ́ onyɛɔ oyaa Intanɛt lɛ nɔ lɛ, wɔmiiwo bo hewalɛ koni ole bɔ ni obaafee oya www.jw.org lɛ nɔ. Saji ni nyiɛ sɛɛ nɛɛ tsɔɔ gbɛi komɛi anɔ ni obaanyɛ otsɔ okɛtsu nii.

[Nitɛŋmɔ ni akɛmiitsɔɔ nɔ ko mli ni yɔɔ baafa 3]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Kaa Okwɛ

1 Tswaa www.jw.org adrɛs lɛ yɛ obraoza ni okɛyaa Intanɛt lɛ nɔ lɛ mli yɛ okɔmpiuta lɛ nɔ.

2 Klikimɔ saneyitsei lɛ, nibii srɔtoi lɛ, kɛ hei ni kɛbo baaya hei krokomɛi lɛ koni okɛkpa saiti lɛ nɔ.

3 Kwɛmɔ akɛ obaanyɛ ogbele jw.org lɛ yɛ o-mobail foŋ loo nibii krokomɛi ní baanyɛ aha oya Intanɛt lɛ nɔ. Ato Wɛb saiti lɛ he gbɛjianɔ bɔ ni ebaanyɛ etsu nii yɛ mobail foŋ kɛ ehenɔi lɛ anɔ, ni no tsakeŋ saji ni yɔɔ nɔ lɛ.