Wɔ-Wɛb Saiti lɛ—Okɛtsu Nii yɛ Oshiɛmɔ Nitsumɔ lɛ Mli
Wo Mɛi Hewalɛ ni Amɛkɛ Wɛb Saiti lɛ Atsu Nii: Mɛi ni sumɔɔɔ ni amɛkɛ wɔ gbaa sane loo amɛŋɔɔ wɔwoji lɛ eko lɛ ateŋ mɛi komɛi sumɔɔ ni amɛtao nibii ni kɔɔ Yehowa Odasefoi lɛ ahe kɛtsɔ jw.org lɛ nɔ ni amɛyaa yɛ amɛshĩai amli lɛ nɔ. No hewɔ lɛ, okɛ hegbɛ fɛɛ hegbɛ ni obaaná lɛ agba mɛi krokomɛi Wɛb saiti lɛ he sane.
Ha Sanebimɔi Ahetoo: Bei komɛi lɛ, shiatsɛ ko, mɔ ko ni yɔɔ wiemɔ lɛ he miishɛɛ, loo mɔ ko ni wɔle lɛ baabi sane ko yɛ Yehowa Odasefoi loo wɔhemɔkɛyelii lɛ ahe. Tsɔ mobail foŋ loo kɔmpiuta nɔ oha lɛ hetoo amrɔ nɔŋŋ. Bei pii lɛ, ehi jogbaŋŋ akɛ aaakane ŋmalɛi ni atsɛ yisɛɛ lɛ kɛjɛ Biblia lɛ mli tɛ̃ɛ. Kɛ́ ohiɛɛɛ nɔ ko ni baaha onyɛ oya Intanɛt lɛ nɔ lɛ, tsɔɔmɔ lɛ bɔ ni ebaafee ekɛ jw.org lɛ atsu nii koni lɛ diɛŋtsɛ ená esanebimɔ lɛ hetoo.—Yaa “Bible Teachings/Bible Questions Answered” loo “About Us/Frequently Asked Questions.”
Okɛ Sane ko loo Wolo Muu Fɛɛ Amaje Mɔ ko ní Ole: Okɛ PDF loo EPUB ni oŋɔ eko lɛ afata e-mail lɛ he. Aloo ŋɔɔ wolo ni arikɔdi lɛ eko owo CD nɔ. Be fɛɛ be ni obaaha mɔ ko ni abaptisiko lɛ ilɛtrɔ nik nɔ wolo, wolo bibioo, loo magazin muu fɛɛ lɛ obaanyɛ obu he akɔntaa akɛ woji ni okɛha. Esaaa ákɛ akɛ nibii nɛɛ majeɔ ní aleee mɔ ni akɛmaje loo akɛ babaoo majeɔ. Ni esaaa akɛ akɛyawoɔ Wɛb saiti kroko hu nɔ.—Yaa “Woji kɛ Nibii.”
Okɛ Saji Hei ni Kɔɔ Yehowa Odasefoi Ahe lɛ Atsɔɔ: Enɛ baaye abua Biblia mli nikaselɔi lɛ kɛ mɛi krokomɛi ni oshiɛɔ ohaa lɛ koni amɛná hiɛsɔɔ amɛha wɔjeŋ muu fɛɛ nitsumɔ lɛ kɛ ekomefeemɔ ni yɔɔ wɔteŋ akɛ Kristofoi lɛ. (Lala 133:1)—Yaa “News.”
[Nitɛŋmɔ ni akɛmiitsɔɔ nɔ ko mli ni yɔɔ baafa 5]
(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)
Kaa Okwɛ
1 Kɛ́ okliki “Woji kɛ Nibii” lɛ, obaana sane ni osumɔɔ ni oŋɔ eko lɛ, klikimɔ nɔ ni otaoɔ lɛ, niŋmaa lɛ loo nɔ ni arikɔdi lɛ.
2 Klikimɔ MP3 lɛ nɔ, ní egbele saji srɔtoi ni ato naa lɛ eha bo. Klikimɔ saneyitso lɛ nɔ ni oŋɔ eko loo ▸ ni obo toi yɛ nɛt lɛ nɔ.
3 Halamɔ wiemɔ kroko kɛjɛ wiemɔi ni ato naa nɛɛ mli kɛ́ ootao oŋɔ woji kɛ nibii yɛ nakai wiemɔ lɛ mli.