Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ February mli lɛ nɔ

“Mɛi babaoo susuɔ akɛ Abonsam ji mɔ ni hɔ efɔŋfeemɔi ni yaa nɔ yɛ je lɛŋ lɛ fɛɛ asɛɛ. Shi amɛbiɔ amɛhe akɛ: ‘Nɛgbɛ Abonsam jɛ kɛba? Ani Nyɔŋmɔ ji mɔ ni bɔ lɛ?’ Te osusuɔ tɛŋŋ? [Ŋmɛɛ gbɛ ni eha hetoo.] Kadimɔ sane ni wɔbaakane yɛ biɛ lɛ.” Okɛ sane ni yɔɔ February 1 Buu-Mɔɔ lɛ sɛɛ lɛ atsɔɔ lɛ, ni okɛlɛ asusu klɛŋklɛŋ kuku lɛ mli sane lɛ kɛ ŋmalɛ ni yɔɔ jɛmɛ lɛ he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower February 1

“Wɔbaasumɔ ni wɔle osusumɔ yɛ mɔ ko ni Kristofoi, Yudafoi, kɛ Muslimbii fɛɛ buɔ lɛ waa lɛ he. Nakai mɔ lɛ ji Mose. Mɛni baa ojwɛŋmɔ mli klɛŋklɛŋ kwraa kɛ́ onu egbɛ́i lɛ? [Ŋmɛɛ gbɛ ni eha hetoo.] Eyɛ mli akɛ etɔ̃ tɔmɔi moŋ nɛ, shi bɔ ni Biblia lɛ wieɔ Mose he lɛ yɛ miishɛɛ pam. [Kanemɔ 5 Mose 34:10-12.] Wolo nɛɛ wieɔ Mose sui kpakpai lɛ amli etɛ ahe, ni etsɔɔ bɔ ni wɔbaafee wɔkase lɛ.”

Awake! February

“Bei nɛɛ amli lɛ, efɔɔ kaa akɛ mɛi fãa gbɛ kɛyaa maji krokomɛi anɔ kɛyataoɔ shihilɛ kpakpa. Kɛ́ okwɛ lɛ, ani be fɛɛ be amɛnine shɛɔ nibii ni amɛtaoɔ lɛ anɔ? [Ŋmɛɛ gbɛ ni eha hetoo.] Jeee ŋmɛnɛ ajɛ abɔi gbɛfãa ni tamɔ nakai. Kadimɔ nɔkwɛmɔnɔ ni yɔɔ Biblia mli klɛŋklɛŋ wolo lɛ mli lɛ. [Kanemɔ 1 Mose 46:5, 6.] Wolo nɛɛ pɛiɔ sanebimɔi nɛɛ amli.” Okɛ sanebimɔi ni yɔɔ baafa 6 lɛ naagbee lɛ atsɔɔ lɛ.