Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ February mli lɛ nɔ

“Ani osusuɔ akɛ Nyɔŋmɔ yɛ asafo ko ni ekɛtsuɔ nii ŋmɛnɛ, loo osusuɔ akɛ ekɛ aŋkroaŋkroi pɛ tsuɔ nii? [Ŋmɛɛ gbɛ ni eha hetoo.] Kadimɔ nɔ ni sane nɛɛ wieɔ yɛ mɛi komɛi ni Nyɔŋmɔ kɛ amɛ fee esafo afii babaoo ni eho nɛ lɛ ahe.” Gbelemɔ February 1 Blɔfo Buu-Mɔɔ baafa 26 lɛ, ni okɛ lɛ asusu sane ni yɔɔ klɛŋklɛŋ saneyitso fioo lɛ shishi lɛ he, ni okane ŋmalɛi ni yɔɔ jɛmɛ lɛ ateŋ ekome loo nɔ̃. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower February 1

“Gbii etɛ nɛɛ aawie Harmagedon he waa. Ani osusuɔ akɛ nɔ ko yɛ ni adesai baanyɛ afee kɛtsĩ Harmagedon naa? [Ŋmɛɛ gbɛ ni eha hetoo.] Wiemɔ ni ji ‘Harmagedon’ lɛ jeɔ kpo yɛ ŋmalɛ nɛɛ mli. [Kanemɔ Kpojiemɔ 16:16. No sɛɛ lɛ okɛ wolo tɛtrɛɛ lɛ hiɛ atsɔɔ lɛ.] Wolo tɛtrɛɛ nɛɛ tsɔɔ bɔ ni Biblia lɛ haa sanebimɔi nɛɛ ahetoo.”

Awake! February

“Ŋmɛnɛ lɛ, mɛi babaoo kɛ mɛi sharaa yɛ Intanɛt lɛ nɔ. Ani osusuɔ akɛ osharai yɛ sharamɔ ní akɛ mɛi sharaa yɛ Intanɛt lɛ nɔ lɛ he? [Ŋmɛɛ gbɛ ni eha hetoo.] Shishitoo mlai yɛ Biblia lɛ mli ni baanyɛ aye abua wɔ koni wɔkaná naagba beni wɔkɛ mɛi sharaa yɛ Intanɛt lɛ nɔ lɛ. [Gbelemɔ baafa 6-9 lɛ, ni okɛ lɛ asusu sanebimɔi ni yɔɔ jɛmɛ lɛ ateŋ ekome, kɛ ŋmalɛi ni atsɛ yisɛɛ lɛ ekome he.] Wolo tɛtrɛɛ nɛɛ baaye abua bo koni oyɔse osharai ni yɔɔ mɛi ni akɛsharaa yɛ Intanɛt lɛ nɔ lɛ he, ni otsi ohe kɛjɛ osharai nɛɛ ahe.”