Ani Esa Akɛ Okpa?

Kɛ́ shiɛlɔi komɛi tee shiɛmɔ lɛ, amɛyɛ be pɔtɛ̃ɛ ni amɛkpaa, ekolɛ shwane ŋmɛlɛ nyɔŋma kɛ enyɔ mli. Yɛ anɔkwale mli lɛ, mɛi komɛi ashihilɛ baabi ni amɛkpa shiɛmɔ yɛ be pɔtɛ̃ɛ ko mli. Shi ani bo hu okpaa shiɛmɔ akɛni mɛi ni okɛtee lɛ ekpa loo okpaa akɛni ayɛ be pɔtɛ̃ɛ ko yɛ okutso lɛ mli ni akɛkpaa lɛ hewɔ? Ani obaanyɛ okɛ minitii fioo ko ashiɛ oha mɛi ni okɛbaakpe yɛ gbɛ lɛ nɔ kɛ ooya shĩa? Ani obaanyɛ ofee sɛɛkuu-kɛsaramɔ kome loo enyɔ ko beni oyaa shĩa lɛ? Susumɔ sɛɛnamɔ ni baajɛ mli aba kɛ́ onine yashɛ mɛi ni oyaasara lɛ ateŋ mɔ kome pɛ po nɔ yɛ shĩa, loo oha mɛi ni okɛkpeɔ lɛ ateŋ mɔ ko woji tɛtrɛbii lɛ eko lɛ he okwɛ! Kɛ́ wɔkpaaa ni wɔtee nɔ wɔshiɛ minitii fioo ko wɔfata he lɛ, eji gbɛ ni yɔɔ mlɛo ni wɔtsɔɔ nɔ wɔhaa ‘wɔyijiemɔ afɔle’ lɛ yaa hiɛ.—Heb. 13:15.