“Kɛ́ Maŋɔ Owolo lɛ, Ja Oŋɔ Minɔ Lɛ”
Enɛ ji nɔ ni shĩatsɛmɛi komɛi kɛɔ wɔ. Akɛni wɔkɛ wɔ-Biblia kasemɔ woji lɛ tsakeee jamɔ woji ni akɛgbɛɔ amale ashwãa lɛ hewɔ lɛ, te wɔɔfee tɛŋŋ wɔkɛ hiɛshikamɔ ajie wiemɔ nɛɛ naa? (Rom. 1:25) Wɔbaanyɛ wɔkɛɛ akɛ: “Oyiwaladɔŋŋ. Mɛni owolo lɛ kɛɔ akɛ eji adesai anaagbai lɛ anaa tsabaa? [Ŋmɛɛ gbɛ ni eha hetoo. Kɛ́ ekɛɛ okane ewolo lɛ kɛha hetoo lɛ, obaanyɛ oha ele akɛ ni okɛ owolo lɛ haa lɛ lɛ, otsɔɔ lɛ nɔ ni yɔɔ mli. No sɛɛ lɛ, kanemɔ Mateo 6:9, 10, loo wiemɔ sane ni yɔɔ jɛmɛ lɛ.] Yesu tsɔɔ akɛ Nyɔŋmɔ Maŋtsɛyeli lɛ baaha afee Nyɔŋmɔ suɔmɔnaa nii yɛ shikpɔŋ lɛ nɔ. No hewɔ lɛ, jamɔ he woji ni wieɔ Nyɔŋmɔ Maŋtsɛyeli lɛ he titri lɛ pɛ mikaneɔ. Ani manyɛ matsɔɔ bo nibii pɔtɛ̃i komɛi ni Biblia lɛ kɛɔ akɛ Nyɔŋmɔ Maŋtsɛyeli lɛ baafee?”