Shiɛmɔ Wiemɔi

Buu-Mɔɔ December 1

“Wɔkɛ be fioo miisara mɛi koni wɔkɛjaje susumɔ ko ni ejaaa ni mɛi hiɛ yɛ Biblia lɛ he lɛ. Mɛi babaoo yɛ bulɛ kɛhã Biblia lɛ, shi amɛsusuɔ akɛ eshishinumɔ wa tsɔ. Mɛni ji osusumɔ yɛ Biblia lɛ he? [Ŋmɛɛ gbɛ ni ehã hetoo.] Kwɛmɔ yiŋtoo kome hewɔ ni esa akɛ wɔbɔ mɔdɛŋ ni wɔnu Biblia lɛ shishi lɛ. [Kanemɔ Romabii 15:4.] Buu-Mɔɔ nɛɛ hãa wɔnaa nibii ni tsɔɔ akɛ aŋma Biblia lɛ koni wɔnu shishi. Etsɔɔ nibii komɛi ni baaye abua wɔ koni wɔnyɛ wɔnu shishi hu.”

Awake! December

“Wɔkɛ be kukuoo miisara wekui koni wɔye wɔbua amɛ. Mɔ fɛɛ mɔ miisumɔ ni toiŋjɔlɛ kɛ ekomefeemɔ ahi eshĩa. Te nɔ ni osusuɔ akɛ ebaaye ebua wekui lɛ​—akɛ amɛbaabɔ mɔdɛŋ ni sane naataamɔi akaba, aloo ni amɛbaakase bɔ ni amɛbaafee amɛtsu sane naataamɔi ni baa lɛ he nii jogbaŋŋ? [Ŋmɛɛ gbɛ ni ehã hetoo.] Kadimɔ nɔ ni Biblia mli abɛ ko kɛɔ. [Kanemɔ Abɛi 26:20.] Awake! nɛɛ tsɔɔ ŋaawoo ni Biblia lɛ kɛhãa ni baanyɛ aye abua wekui koni toiŋjɔlɛ ahi amɛshĩai.”