Shiɛmɔ Wiemɔi

Kɛhã Biblia mli Nikasemɔi Ashishijee yɛ Klɛŋklɛŋ Hɔɔ ni yɔɔ December mli lɛ Nɔ

“Wɔkɛ be kukuoo ko miisara wekui koni wɔye wɔbua amɛ. Fɔlɔi pii miisumɔ ni amɛbii lɛ asumɔ Nyɔŋmɔ. Ani osusuɔ akɛ enɛ ji nɔ ko ni fɔlɔi baanyɛ atsɔɔ amɛbii lɛ, aloo esa akɛ gbekɛbii lɛ diɛŋtsɛ akase bɔ ni amɛaafee amɛsumɔ Nyɔŋmɔ?” Ŋmɛɛ gbɛ ni ehã hetoo. Okɛ sane ni yɔɔ December 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ ahã lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ December 1

“Wɔkɛ be kukuoo ko miisara mɛi ni wɔkɛ amɛ agba Nyɔŋmɔ he sane. Wɔle akɛ mɔ fɛɛ mɔ kɛ nɔ ni esusuɔ yɛ Nyɔŋmɔ he. Ani osusuɔ akɛ mɛi babaoo naa lɛ akɛ eji mɔ ko ni susuuu mɔ he aloo amɛnaa lɛ akɛ naanyo ko ni susuɔ amɛhe akɛ aŋkroaŋkro? [Ŋmɛɛ gbɛ ni ehã hetoo.] Ŋmalɛ nɛɛ hãa wɔleɔ wekukpãa ni Nyɔŋmɔ taoɔ ni ehi wɔ kɛ lɛ teŋ. [Kanemɔ Yakobo 4:8a.] Wolo tɛtrɛɛ nɛɛ hãa wɔleɔ nibii etɛ ni kɛ́ wɔfee lɛ wɔbaanyɛ wɔbɛŋkɛ Nyɔŋmɔ.”

Awake! December

“Akɛni mɛi ehao yɛ hela ko ni miigba mɛi babaoo anaa lɛ hewɔ lɛ, wɔkɛ be kukuoo miisara mɛi ni wɔkɛ amɛ asusu he. Jeŋ Hewalɛnamɔ Gbɛjianɔtoo lɛ tsɔɔ mli akɛ, mɛi oha mlijaa nyɔŋmai enyɔ kɛ enumɔ baaná jwɛŋmɔŋ naagba ko, tamɔ jwɛŋmɔŋ haomɔ be ko yɛ amɛwala shihilɛ mli. Ani osusuɔ akɛ mɛi babaoo miiná jwɛŋmɔŋ naagba yɛ wɔbei nɛɛ amli? [Ŋmɛɛ gbɛ ni ehã hetoo.] Biblia lɛ hãa wɔnáa hiɛnɔkamɔ akɛ, wɔsɛɛ lɛ hela kɛ piŋmɔ ehiŋ shikpɔŋ lɛ nɔ dɔŋŋ. [Kanemɔ Kpojiemɔ 21:3, 4.] Wolo tɛtrɛɛ nɛɛ tsɔɔ nibii fioo komɛi ni esa akɛ mɔ fɛɛ mɔ ale yɛ jwɛŋmɔŋ naagbai ahe.”