Gbɛi ni Obaanyɛ Otsɔ nɔ Okɛ JW Library lɛ Atsu Nii

KƐHÃ NIKASEMƆ:

• Obaanyɛ okane Biblia lɛ kɛ daa gbi ŋmalɛ lɛ

• Obaanyɛ okane Yearbook lɛ, magazin srɔtoi lɛ, kɛ woji krokomɛi. Obaanyɛ okɛ kadimɔnii ni atsɛɔ lɛ bookmark lɛ atsu nii

• Obaanyɛ okase nibii ni abaayakase yɛ asafoŋ kpeei ashishi lɛ, ni okɛ kɔla akadi hetoi lɛ

• Obaanyɛ okwɛ vidioi

YƐ ASAFOŊ KPEEI ASHISHI:

• Obaanyɛ ogbele ŋmalɛi ni wielɔ lɛ tsɛɔ lɛ. Obaanyɛ okɛ nɔ ni tsɔɔ hei ni ogbele pɛŋ ni atsɛɔ lɛ history lɛ atsu nii koni onyɛ ona ŋmalɛ ko ni okane momo lɛ ekoŋŋ

• Yɛ nɔ najiaŋ ni okɛ woji babaoo baaba asafoŋ kpeei lɛ, obaanyɛ okɛ omobail foŋ loo tablɛt lɛ atsu nii kɛnyiɛ nibii ni akaseɔ yɛ asafoŋ kpeei ashishi lɛ sɛɛ, ni okɛlá hu. Obaanyɛ ona lalai hei lɛ yɛ JW Library lɛ nɔ, eyɛ mli akɛ akalako yɛ lala wolo lɛ mli

YƐ SHIƐMƆ NITSUMƆ LƐ MLI:

• Obaanyɛ okɛ woji kɛ nibii ni yɔɔ JW Library lɛ nɔ lɛ eko atsɔɔ mɔ ko ni yɔɔ wiemɔ lɛ he miishɛɛ, ni oye obua lɛ ni edaunloodi JW Library lɛ kɛ woji ewo emobail foŋ loo tablɛt lɛ nɔ

• Obaanyɛ okɛ nɔ ni akɛtaoɔ saji lɛ atsu nii kɛna ŋmalɛ ko yɛ Biblia lɛ mli

• Obaanyɛ okɛjie vidio. Kɛ́ shiatsɛ lɛ yɛ bii lɛ, obaanyɛ ojie Okɛ Yehowa Abɔ Naanyo vidioi lɛ eko ohã amɛ. Aloo obaanyɛ okɛjie vidio ni ji, Mɛni Hewɔ Esa akɛ Okase Biblia Lɛ? koni okɛtee miishɛɛ shi kɛhã Biblia mli nikasemɔ. Kɛ́ okɛ mɔ ko kpe ni ewieɔ wiemɔ kroko lɛ, jiemɔ vidio ko ohã lɛ yɛ ewiemɔ lɛ mli

• Obaanyɛ okɛ ŋmalɛ ko ni yɔɔ wiemɔ kroko ni odaunloodi lɛ mli lɛ atsɔɔ mɔ ni okɛgbaa sane lɛ. Gbelemɔ ŋmalɛ lɛ, ni ota kuku lɛ he, ni ota okadi ni afee lɛ tamɔ Biblia lɛ he, ni ebaagbele shishitsɔɔmɔi krokomɛi ni odaunloodi ni nakai kuku lɛ yɔɔ mli lɛ fɛɛ