NYƆŊMƆ WIEMƆ LƐ MLI JWETRII | MARKO 3-4
Atsa Mɔ Ko Yɛ Hejɔɔmɔ Gbi Lɛ Nɔ
Mɛni hewɔ Yudafoi lɛ ajamɔŋ hiɛnyiɛlɔi lɛ asubaŋ lɛ hã Yesu werɛ ho ehe waa lɛ? Ejaakɛ amɛkɛ naatsĩi bibii pii ni he ehiaaa fata Hejɔɔmɔ Gbi lɛ he mla lɛ he, ni no hã Hejɔɔmɔ Gbi lɛ tsɔ jatsu ehã mɛi lɛ. Akɛ nɔkwɛmɔnɔ lɛ, amɛkɛɛ esaaa akɛ agbeɔ ŋmoŋ. Aŋmɛɛɛ gbɛ ni atsa mɔ ko, ja mɔ lɛ wala eyaje oshara mli. Ni tsɔɔ akɛ, kɛ́ mɔ ko wu ku loo etalɔ lɔŋe lɛ, anyɛŋ akwɛ lɛ yɛ Hejɔɔmɔ Gbi lɛ nɔ. Eyɛ faŋŋ akɛ, jamɔŋ hiɛnyiɛlɔi lɛ susuuu nuu ni nine kome egbo lɛ he kwraa.