Fɔlɔi, Nyɛtsɔa Nyɛbii Lɛ Yehowa Taomɔ Nii Lɛ

Ŋmɛnɛ lɛ, je lɛ miisumɔ ni wɔna ekpakpa akɛ efɔŋ, kɛ efɔŋ akɛ ekpakpa. (Yes 5:20) Mɔbɔ sane ji akɛ, mɛi komɛi feɔ nibii ni Yehowa nyɛɔ, tamɔ nuu kɛ nuu loo yoo kɛ yoo teŋ bɔlɛnamɔ nɛkɛ. Ekolɛ mɛi ni wɔbii lɛ kɛyaa skul lɛ loo mɛi krokomɛi baakɔne amɛyiŋ ni amɛfee amɛnii tamɔ amɛ. Mɛɛ gbɛ nɔ obaanyɛ otsɔse obii lɛ, koni amɛnyɛ amɛdamɔ shihilɛi ni tamɔ nɛkɛ lɛ anaa?

Tsɔɔmɔ obii lɛ Yehowa taomɔ nii lɛ. (3Mo 18:3) Kwɛmɔ afii abɔ ni amɛye, kɛ bɔ ni amɛniiashishinumɔ yɔɔ, ni oya nɔ otsɔɔ amɛ nɔ ni Biblia lɛ kɛɔ yɛ bɔlɛnamɔ he. (5Mo 6:7) Bi ohe akɛ: ‘Ani mitsɔɔ mibii lɛ nibii ni sa ni afeɔ kɛtsɔɔ akɛ ayɛ mɔ ko he miishɛɛ, nɔ hewɔ ni esa akɛ amɛwo atadei ni sa, kɛ nɔ hewɔ ni esaaa akɛ amɛhãa mɛi naa amɛgbɔmɔtso lɛ hei ni esaaa akɛ anaa lɛ? Ani mibii lɛ le nɔ ni esa akɛ amɛfee kɛ́ mɔ ko ka akɛ ekɛ ponografi baatsɔɔ amɛ loo ekɛɛ amɛfee nɔ ko ni Yehowa sumɔɔɔ?’ Kɛ́ aje mra atsɔɔ amɛ nibii nɛɛ, ebaanyɛ ebu amɛhe kɛje naagbai pii ahe. (Abɛ 27:12; Jaj 7:12) Kɛ́ otsɔɔ obii lɛ nii lɛ, no tsɔɔ akɛ, oshwɛɛɛ gboshinii ni Yehowa kɛhã bo nɛɛ he kwraa.​—La 127:3.

KWƐMƆ VIDIO NI JI, MAA SHĨA NI BAAHI SHI DAA​—BUU OBII LƐ AHE KƐJE “EFƆŊ” HE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛni hewɔ ewa kɛhã mɛi komɛi akɛ amɛkɛ amɛbii baawie bɔlɛnamɔ he lɛ?

• 

  Mɛni hewɔ esa akɛ fɔlɔi atsɔɔ amɛbii lɛ nii yɛ “Yehowa tsɔsemɔ kɛ eŋaawoo lɛ mli” lɛ?​—Efe 6:4

• 

  Mɛni Yehowa asafo lɛ kɛdro fɔlɔi koni amɛnyɛ amɛtsɔɔ amɛbii lɛ bɔlɛnamɔ he nii?​—w19.05 12, akrabatsa

• Mɛni hewɔ esa akɛ okɛ obii lɛ afɔ sane gbaa dani amɛkɛ naagbai akpe lɛ?