Ato Wɔhe Gbɛjianɔ Koni Wɔshiɛ Wɔhã Mɔ Fɛɛ Mɔ

Tamɔ bɔ ni Yehowa to Israelbii lɛ ahe gbɛjianɔ lɛ, ŋmɛnɛ hu lɛ, etoɔ ewebii lɛ ahe gbɛjianɔ koni amɛfee esuɔmɔnaa nii. Nitsumɔhe niji, kpokpai, asafoi, kɛ shiɛmɔyaa kui ni yɔɔ jeŋ fɛɛ lɛ tsuɔ nii bɔ ni afee ni anyɛ ashiɛ sane kpakpa lɛ. Wɔshiɛɔ wɔhãa mɔ fɛɛ mɔ, ni mɛi ni wieɔ wiemɔ kroko hu fata he.​—Kpo 14:6, 7.

Ani osusu he pɛŋ akɛ obaakase wiemɔ kroko koni onyɛ otsɔɔ mɛi anɔkwale lɛ? Kɛ́ obɛ dekã ni okɛbaakase wiemɔ ko po lɛ, obaanyɛ okɛ JW Language lɛ atsu nii kɛkase bɔ ni ooofee oje sanegbaa shishi. Kɛkɛ lɛ, kɛ́ okɛ nɔ ni okase lɛ tsu nii yɛ shiɛmɔ mli lɛ, ekolɛ obaaná miishɛɛ tamɔ klɛŋklɛŋ afii 100 lɛ mli Kristofoi lɛ ná be ni mɛi ni jɛ maji krokomɛi anɔ lɛ anaa kpɛ amɛhe akɛ amɛmiinu “Nyɔŋmɔ nibii wuji lɛ” yɛ amɛ diɛŋtsɛ amɛwiemɔ mli lɛ.​—Bɔf 2:7-11.

KWƐMƆ VIDIO NI JI, OKƐ YEHOWA ABƆ NAANYO​—SHIƐMƆ OHÃ MƐI YƐ WIEMƆ KROKO MLI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛɛ be obaanyɛ okɛ JW Language lɛ atsu nii?

• 

  Mɛɛ nibii komɛi yɔɔ nɔ?

• 

  Mɛɛ wiemɔi mɛi wieɔ yɛ he ni oyɔɔ lɛ?

• Mɛni esa akɛ ofee kɛ́ mɔ ko ni wieɔ wiemɔ kroko lɛ ná Maŋtsɛyeli lɛ he sane lɛ he miishɛɛ?​—od 101-102 kk. 39-41