Yaa Nɔ Osaa Ohe Oto Yɛ “Naagbee Gbii Lɛ” Anaagbee Gbii Lɛ Amli

Be ni wɔtsɔɔ “naagbee gbii lɛ” anaagbee gbii lɛ amli lɛ, wɔmiikpa gbɛ akɛ naagbai ni wɔkɛkpeɔ lɛ amli baawa. (2Ti 3:1; mwbr21.05 3 kk. 2) Bei pii kɛ́ oshãra wulu ko miiba lɛ, Yehowa webii lɛ nine shɛɔ gbɛtsɔɔmɔi ni baahere amɛyiwala lɛ nɔ yɛ be ni sa mli. No hewɔ lɛ, kɛ́ wɔbo gbɛtsɔɔmɔi toi ni wɔsaa wɔhe wɔto yɛ mumɔŋ kɛ heloŋ amrɔ nɛɛ, wɔbaaje oshãra ni baaba lɛ mli shweshweeshwe.​—Luk 16:10.

• Saamɔ ohe oto yɛ mumɔŋ: Okɛ obe atsu nii jogbaŋŋ. Okɛ ohe awo shiɛmɔ nitsumɔ lɛ fãi srɔtoi lɛ amli jogbaŋŋ. Kɛ́ oshãra lɛ hewɔ lɛ, onyɛɛɛ okɛ osafoŋbii lɛ abɔ lɛ, otsui akafã. (Yes 30:15) Eshwɛko okome, Yehowa kɛ Yesu yɛ omasɛi.​—od 176 kk. 15-17

• Saamɔ ohe oto yɛ heloŋ: Kɛfata go bag ni wɔbaasaa wɔto lɛ he lɛ, esa akɛ wɔkɛ niyenii, nu, tsofã, kɛ nibii krokomɛi ni tamɔ nakai ni fa bɔ ni sa ato, bɔ ni afee ni wɔkɛtsu nii kɛ́ ehe bahia ni wɔhi he ko be kpalaŋŋ.​—Abɛ 22:3; g17.5-E 4, 6

KWƐMƆ VIDIO NI JI, ANI OSAA OHE OTO ADEBƆƆ NAA OSHARA? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛɛ gbɛ nɔ wɔbaanyɛ wɔsaa wɔhe wɔto oshãra yɛ mumɔŋ?

• 

  Mɛni hewɔ esa akɛ . . .

  • wɔhã asafoŋ onukpai lɛ ale wɔhe saji ni he hiaa be ni oshãra bako, be ni eko eba, kɛ no sɛɛ lɛ?

  • wɔsaa baagi ko (go bag) kɛ emli nibii ni he hiaa wɔto oshãra lɛ?

  • wɔsusu oshãrai srɔtoi ni baanyɛ aba, kɛ nɔ ni esa akɛ wɔfee yɛ eko fɛɛ eko mli lɛ he lɛ?

• 

  Kɛ́ oshãra ba mɛi anɔ lɛ, mɛɛ gbɛi etɛ anɔ wɔbaanyɛ wɔtsɔ wɔye wɔbua amɛ?

BI OHE AKƐ, ‘Mɛni kɛ mɛni mikase yɛ COVID-19 tsɛŋemɔ hela lɛ he ni baanyɛ ahã masaa mihe mato?’