HII SHI AKƐ KRISTOFONYO

Ani Osaa Ohe Oto Hefimɔ?

Kɛ́ nibii ni yaa nɔ yɛ je lɛ mli lɛ hã mɛi ahe fĩ amɛ yɛ jeŋ fɛɛ lɛ, efeee wɔ naakpɛɛ. Mɛni hewɔ? Ejaakɛ wɔyɛ naagbee gbii lɛ anaagbee lɛ mli, ni Biblia lɛ ebɔ wɔ kɔkɔ akɛ, wɔkɛ wɔhiɛ akafɔ̃ “ninámɔ ni baanyɛ afiliki kɛya” lɛ nɔ. (1Ti 6:17; 2Ti 3:1) Mɛni wɔbaanyɛ wɔkase yɛ Maŋtsɛ Yehoshafat sane lɛ mli ni wɔkɛsaa wɔhe wɔto hefimɔ?

Be ni jeŋmaji komɛi ni nyɛɔ Yehowa webii lɛ ba koni amɛkɛ amɛ abawu lɛ, Yehoshafat kɛ ehiɛ fɔ̃ Yehowa nɔ. (2Kr 20:9-12) Agbɛnɛ hu, etswa gbogboi ewo maji pii ahe, ni eto asraafoi akui yɛ shikpɔŋ lɛ nɔ kɛsaa maŋbii lɛ eto. (2Kr 17:1, 2, 12, 13) Taakɛ Yehoshafat fee lɛ, esa akɛ wɔ hu wɔkɛ wɔhiɛ afɔ̃ Yehowa nɔ ni wɔfee nibii komɛi kɛsaa wɔhe wɔto shihilɛi ni mli wawai.

MƐNI WƆBAANYƐ WƆFEE KƐSAA WƆHE WƆTO HEFIMƆ?

Saamɔ ohe oto yɛ mumɔŋ: Omii ashɛ nibii ni oyɔɔ lɛ ahe, ni ofee nibii ni baahã okɛ ohiɛ afɔ̃ Yehowa nɔ kwraa akɛ ebaahã bo odaa gbi hiamɔ nii. (Mat 6:26; 1Ti 6:8) Tswaa ofai shi akɛ okuŋ Biblia mli shishitoo mla ko mli kɛtaoŋ ohiamɔ nii nɛɛ. (Ro 2:21) Susumɔ bɔ ni obaafee onine ashɛ mumɔŋ niyenii nɔ kɛji ilɛtrisiti loo Intanɛt bɛ lɛ he. Okɛ woji fioo komɛi ato, ni kɛ́ ebaahi lɛ, tsɔ hiɛ odaunlodi ekomɛi.

Saamɔ ohe oto yɛ heloŋ: Ni ohe fiko bo nɛɛ, kwɛmɔ ni okahiɛ nyɔmɔ pii, ni kaahé nibii ni he ehiaaa tsɔ. (Abɛ 22:7) Kɛ́ ebaahi lɛ, okɛ niyenii kɛ nibii krokomɛi ni he hiaa ni fa bɔ ni sa ato. Mɛi komɛi baasumɔ ni amɛfee abɔɔ ni amɛdu nibii tamɔ ameo, sɛbɛ, loo sabolai, koni amɛkafite shika tsɔ.

KWƐMƆ VIDIO NI JI, ANI OSAA OHE OTO OSHÃRA? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

Vidio ni ji, “Ani Osaa Ohe Oto Oshãra?” lɛ mli mfoniri ko. Wɔmiina Biblia, go bag kɛ foŋ, kɛ tsumalɔi ahe mfonirii bibii.

Mɛɛ nibii obaanyɛ ofee kɛsaa ohe oto oshãra?

Your answer

Vidio ni ji, “Ani Osaa Ohe Oto Oshãra?” lɛ mli mfoniri ko. Nyɛmimɛi komɛi miima tsu ni mɛi komɛi hu miijie nibii yɛ tsɔne mli kɛmiiye amɛmiibua mɛi komɛi ni oshara enina amɛ.

Mɛɛ gbɛ nɔ wɔbaanyɛ wɔsaa wɔhe wɔto koni wɔwa mɛi kɛ́ oshãra nina amɛ?

Your answer