Oblahii Kɛ Oblayei​—Nyɛgbaa Nyɛfɔlɔi Nyɛtsuiŋ Saji

Mɛni hewɔ esa akɛ nyɛbɔ mɔdɛŋ nyɛkɛɛ nyɛfɔlɔi nyɛsusumɔi lɛ? (Abɛ 23:26) Ejaakɛ Yehowa efã amɛ akɛ amɛkwɛ nyɛ ni amɛtsɔɔ nyɛ gbɛ. (La 127:3, 4) Kɛ́ nyɛkɛ nibii ni nyɛsusuɔ he kɛ nibii ni gbaa nyɛnaa lɛ fɛɛ tee amɛ lɛ, ebaawa akɛ amɛbaawa nyɛ. Agbɛnɛ hu lɛ, no hãŋ nyɛná niiashikpamɔ ni amɛná yɛ shihilɛ mli lɛ he sɛɛ. Ani eji tɔmɔ akɛ nyɛkɛ nibii komɛi baatee amɛ? Jeee doo​—ja oofee nakai ni okɛlaka amɛ.​—Abɛ 3:32.

Te ooofee tɛŋŋ okɛ ofɔlɔi agba sane lɛ? Bɔɔ mɔdɛŋ ni otao be ni baahi ehã okɛ amɛ fɛɛ. Kɛ́ ewa akɛ obaaná be ni tamɔ nakai lɛ, obaanyɛ oŋma amɛteŋ mɔ kome lɛta, ni okɛɛ lɛ bɔ ni onuɔ he ohãa. Ni kɛ́ amɛmiitao amɛkɛ bo asusu sane ko ni osumɔɔɔ ni okɛ amɛ susuɔ he hu? Kaimɔ akɛ, amɛmiisumɔ waa ni amɛwa bo. Naa ofɔlɔi akɛ onanemɛi, jeee ohenyɛlɔi. Kɛ́ obɔ mɔdɛŋ waa ogba ofɔlɔi otsuiŋ saji lɛ, obaaná he sɛɛ owala gbii abɔ fɛɛ, kɛ agbɛnɛ hu, kɛya naanɔ!​—Abɛ 4:10-12.

KWƐMƆ VIDIO NI JI, OBLAHII KƐ OBLAYEI ASHIHILƐ​—TE MAFEE TƐŊŊ MIKƐ MIFƆLƆI AGBA SANE? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛni Esther kɛ Partik bayɔse yɛ amɛ diɛŋtsɛ amɛhe?

• 

  Mɛni obaanyɛ okase yɛ Yesu sane lɛ mli?

• 

  Mɛɛ nibii ofɔlɔi feɔ ni hãa onaa akɛ amɛsusuɔ ohe?

• 

  Mɛɛ Biblia mli shishitoo mlai baanyɛ awa bo ni okɛ ofɔlɔi agba sane?