Ye Obua O-Biblia Mli Nikaselɔ Lɛ Koni Eye Jeŋba Gbonyo Ko Nɔ

Mɛi ni jeŋba he tse pɛ Yehowa kɛbɔɔ naanyo. (1Pe 1:14-16) Kɛ́ Biblia mli nikaselɔ ko nyɛ eye ejeŋba gbonyo ko nɔ lɛ, miishɛɛ baahi eweku lɛ mli, ebaaná gbɔmɔtsoŋ hewalɛ kpakpa, ni efiteŋ shika hu.

Gbálamɔ Yehowa jeŋba he mlai lɛ amli faŋŋ ohã o-Biblia mli nikaselɔ lɛ, ni otsɔɔ lɛ nɔ hewɔ ni awo nakai mlai lɛ, kɛ nɔ hewɔ ni ehi akɛ ebaaye nɔ lɛ. Yaa nɔ owa lɛ ni etsake bɔ ni ejwɛŋɔ ehãa, ni no baahã enyɛ efee nɔ ni Yehowa sumɔɔ. (Efe 4:22-24) Ye obua lɛ ni ehe eye akɛ, kɛ́ ehã Yehowa wa lɛ lɛ, ebaanyɛ eye sui gbohii ni eka ehe lɛ anɔ. (Fip 4:13) Tsɔɔmɔ lɛ ni ekɛ hiɛdɔɔ asɔle ebi Yehowa yelikɛbuamɔ be fɛɛ be ni ebaanu he akɛ eyafee esha. Wa lɛ ni eyɔse shihilɛi ni baanyɛ ahã efee esha, ni etsi ehe kɛje he. Wo lɛ hewalɛ ni efee nibii ni baahã eba ejeŋ jogbaŋŋ, moŋ fe nibii ni esaaa. Kɛ́ ona ni Yehowa miiye eebua o-Biblia mli nikaselɔ lɛ ni eefee tsakemɔi lɛ, obaaná miishɛɛ waa.

KWƐMƆ VIDIO NI JI, YE OBUA O-BIBLIA MLI NIKASELƆ LƐ KONI EYE JEŊBA GBONYO KO NƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛni asafoŋ onukpai lɛ kɛ Anita fee kɛtsɔɔ akɛ amɛheɔ Jade amɛyeɔ?

• 

  Mɛɛ yelikɛbuamɔ kroko Anita kɛhã Jade?

• 

  Mɛni Jade fee koni Yehowa awa lɛ?