Ye Obua O-Biblia Mli Nikaselɔ Lɛ Koni Ená Suɔmɔ Ehã Yehowa

Yehowa miisumɔ ni wɔjɛ wɔsuɔmɔ mli wɔjá lɛ. (Mat 22:37, 38) Suɔmɔ ni Biblia mli nikaselɔ ko yɔɔ kɛhã Nyɔŋmɔ lɛ ji nɔ ni baahã efee tsakemɔi ni efi shi shiŋŋ hu. (1Yo 5:3) Suɔmɔ ni eyɔɔ kɛhã Nyɔŋmɔ lɛ ji nɔ ni baatsirɛ lɛ ni ehã abaptisi lɛ.

Ye obua o-Biblia mli nikaselɔ lɛ koni ena akɛ Nyɔŋmɔ sumɔɔ lɛ. Bi lɛ saji tamɔ: “Mɛni enɛ tsɔɔ bo yɛ Yehowa he?” loo “Mɛɛ gbɛ nɔ enɛ hãa onaa akɛ Nyɔŋmɔ sumɔɔ bo?” Ye obua o-Biblia mli nikaselɔ lɛ koni ena nɔ ni Yehowa efee ehã lɛ diɛŋtsɛ ni tsɔɔ akɛ esumɔɔ lɛ. (2Kr 16:9) Gbaa lɛ bɔ ni Yehowa ehã sɔlemɔi ni osɔle kɛbi nibii pɔtɛi lɛ ahetoo, ni owo lɛ hewalɛ ni kɛ́ esɔle lɛ ekɛ ehiɛ afɔ̃ shi ni ekwɛ bɔ ni Yehowa hãa esɔlemɔi lɛ ahetoo. Kɛ́ ona akɛ o-Biblia mli nikaselɔ lɛ ena akɛ Yehowa sumɔɔ lɛ, ni lɛ hu ená suɔmɔ ehã Yehowa lɛ, obaaná miishɛɛ waa.

KWƐMƆ VIDIO NI JI, YE OBUA O-BIBLIA MLI NIKASELƆ LƐ KONI ENÁ SUƆMƆ EHÃ YEHOWA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛɛ naagba Jade kɛkpe?

• 

  Mɛni Anita fee kɛye ebua Jade?

• 

  Te Jade fee tɛŋŋ eye naagba lɛ nɔ?