Mɛɛ Otii Okɛmamɔ Ohiɛ Kɛhã Sɔɔmɔ Afi Hee Lɛ?

Mumɔŋ oti ji oti ko ni mɔ ko bɔɔ mɔdɛŋ ni eshɛ he koni enyɛ esɔmɔ Yehowa jogbaŋŋ ni ehã Yehowa aná miishɛɛ. Ehãa wɔhe waa yɛ hemɔkɛyeli lɛ mli, ni no hewɔ lɛ, sɛɛnamɔ yɛ he akɛ wɔkɛ wɔbe kɛ wɔhewalɛ baashã afɔle koni wɔnyɛ wɔshɛ he. (1Ti 4:15) Mɛni hewɔ esa akɛ wɔsusu otii ni wɔkɛmamɔɔ wɔhiɛ lɛ ahe yɛ be kɛ beiaŋ? Ejaakɛ wɔshihilɛ tsakeɔ. Ekolɛ amrɔ nɛɛ, wɔnyɛŋ wɔshɛ oti ko ni wɔkɛma wɔhiɛ lɛ he, loo ekolɛ wɔshɛ he ni wɔbaanyɛ wɔkɛ ekroko ama wɔhiɛ.

Be ni hi waa ni wɔbaanyɛ wɔkɛsusu otii ni wɔkɛmamɔ wɔhiɛ lɛ ahe ji, be ni eshwɛ fioo ni sɔɔmɔ afi hee ko baaje shishi. Ani nyɛbaanyɛ nyɛsusu enɛ he yɛ weku jamɔ shishi ni nyɛteŋ mɔ fɛɛ mɔ kɛ otii komɛi amamɔ ehiɛ, ni weku muu lɛ hu kɛ otii komɛi amamɔ ehiɛ?

Mɛɛ otii komɛi okɛmamɔ ohiɛ yɛ saji ni nyiɛ sɛɛ nɛɛ amli, ni mɛni oto akɛ obaafee koni onyɛ oshɛ amɛhe?