Yehowa Hereɔ Mɛi Ni Werɛ Eho Amɛhe Lɛ

Wɔ fɛɛ wɔwerɛ hoɔ wɔhe bei komɛi. Kɛ́ wɔwerɛ ho wɔhe lɛ, no etsɔɔɔ akɛ wɔheee Yehowa nɔ wɔyeee. Yɛ anɔkwale mli lɛ, Yehowa po werɛ hoɔ ehe bei komɛi. (1Mo 6:​5, 6) Shi mɛni wɔbaanyɛ wɔfee kɛ́ fioo nɔŋŋ lɛ, wɔwerɛ eho wɔhe waa loo be fɛɛ be nɛɛ wɔhao?

Sɔlemɔ obi Yehowa ni ewa bo. Bɔ ni wɔnuɔ he wɔhãa lɛ he hiaa Yehowa waa. Kɛ́ wɔná miishɛɛ lɛ enaa, ni kɛ́ wɔwerɛ eho wɔhe hu enaa. Ele nɔ hewɔ ni wɔnuɔ he bɔ ni wɔnuɔ he lɛ. (La 7:9b) Ni nɔ ni fe fɛɛ lɛ, Yehowa jwɛŋɔ wɔhe, ni ebaanyɛ ewa wɔ kɛkpee awerɛhoyeli loo jwɛŋmɔŋ naagba ni ehã wɔhao lɛ po naa.—La 34:18.

Okɛ ojwɛŋmɔ ama nibii kpakpai anɔ. Kɛ́ wɔnijiaŋ je wui lɛ, jeee wɔmiishɛɛ pɛ ni tãa, shi ebaanyɛ esa naanyobɔɔ ni yɔɔ wɔ kɛ Yehowa teŋ lɛ hu he. Enɛ hewɔ lɛ, esa akɛ wɔhiɛ ahi wɔtsui lɛ, ni ji bɔ ni wɔji yɛ wɔmligbɛ lɛ he.—Abɛ 4:23.

KWƐMƆ VIDIO NI JI, WƆNYƐMIMƐI LƐ YƐ TOIŊJƆLƐ YƐ HAOMƆ NI AMƐHAO LƐ FƐƐ SƐƐ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ nibii Nikki fee ni hã enyɛ ekpee ejwɛŋmɔŋ naagba ni hãa ehaoɔ lɛ naa?

  Your answer

• Mɛni hã Nikki nu he akɛ esa akɛ eyana dɔkitafonyo?—Mat 9:12

  Your answer

• Mɛɛ nibii Nikki fee kɛtsɔɔ akɛ ekɛ ehiɛ miifɔ̃ Yehowa nɔ?

  Your answer