HII SHI AKƐ KRISTOFONYO

Wa Mɛi Ni Eyaaa Sɔlemɔ Lɛ Ni Amɛbale Amɛ-Bɔlɔ Lɛ

Ani oshashaoɔ shi akɛ obaaye mɛi ni jáaa Nyɔŋmɔ loo mɛi ni eyaaa sɔlemɔ lɛ odase, kɛsusumɔ lɛ akɛ ekolɛ amɛboŋ bo toi? Kɛ́ nakai ni lɛ, kaimɔ akɛ, mɛi ni jáaa Nyɔŋmɔ loo mɛi ni eyaaa sɔlemɔ, ní mɛi ni heee Nyɔŋmɔ nɔ amɛyeee lɛ hu fata he lɛ, ateŋ mɛi babaoo ebatsɔmɔ Yehowa Odasefoi. Bei pii lɛ, nɔ ni he hiaa amɛ nɔŋŋ ji, ni wɔbaawa amɛ ni amɛjwɛŋ odaseyeli ni tsɔɔ akɛ Nyɔŋmɔ yɛ lɛ nɔ.—Ro 1:20; 10:14.

KWƐMƆ VIDIO NI JI, HÃ EHI OJWƐŊMƆŊ AKƐ—MƐI NI BƐ HEMƆKƐYELI BAANYƐ ANÁ HEMƆKƐYELI! —MƐI NI JÁAA NYƆŊMƆ LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:

Mɛɛ gbɛ nɔ Tommaso sane lɛ baanyɛ awa bo ni oye mɛi ni jáaa Nyɔŋmɔ loo mɛi ni eyaaa sɔlemɔ lɛ odase?

Your answer

Bɔ ni obaafee lɛ ohã

Kɛ́ mɔ ko kɛɛ eheee Nyɔŋmɔ nɔ eyeee lɛ, jiemɔ bulɛ kpo otsɔɔ lɛ, okɛ lɛ awie kɛ naajɔlɛ, ni ohã ele akɛ obaasumɔ ni ole nɔ hewɔ ni eheee Nyɔŋmɔ nɔ eyeee lɛ. (2Ti 2:24) Okɛ lɛ agba saji ni ebaanya he. Ani eesumɔ ni nyɛsusu odaseyeli ni ehã mɛi babaoo ehe amɛye akɛ Bɔlɔ ko yɛ lɛ he? Kɛ́ nakai ni lɛ, okɛ asafo lɛ woji kɛ vidioi ni afee kɛhã nakai yiŋtoo lɛ atsu nii. Akɛ broshuɔi ni ji, Was Life Created? kɛ The Origin of Life—Five Questions Worth Asking lɛ efata wɔ-Nitsɔɔmɔ Dɛŋdadei Titrii lɛ ahe koni ekatɔ wɔ kɛ amɛ taomɔ.

Ekolɛ oshashaoɔ shi akɛ okɛ mɔ ko ni heee Nyɔŋmɔ nɔ eyeee lɛ baagba anɔkwale lɛ he sane. Kɛ́ nakai ni lɛ, bi shiɛlɔ ko ni bɔɔ mɔdɛŋ ni ewa bo. Agbɛnɛ hu, kaimɔ akɛ Yehowa baanyɛ awa bo ni oshɛ mɛi ni yɔɔ tsui kpakpa lɛ atsui he kɛ́ amɛheee amɛyeee akɛ eyɛ po.—Bɔf 13:48.