Ani Nyɔŋmɔ Boɔ Osɔlemɔi Toi?

MƐNI BIBLIA LƐ KƐƆ?

• Nyɔŋmɔ boɔ toi. Biblia lɛ kɛɔ wɔ akɛ, “Yehowa yɛ mɛi fɛɛ ni boɔ amɛtsɛɔ lɛ lɛ amasɛi, mɛi fɛɛ ni tsɛɔ lɛ kɛ tsui krɔŋŋ lɛ. . . . Eboɔ amɛbolɔmɔ kɛhã yelikɛbuamɔ lɛ toi.”​—Lala 145:18, 19.

• Nyɔŋmɔ miisumɔ ni osɔle ohã lɛ. Biblia lɛ kɛɔ wɔ akɛ: “Yɛ nɔ fɛɛ nɔ mli lɛ, nyɛtsɔa sɔlemɔ, kɛ fai ni akɛ hiɛdɔɔ kpaa, kɛ shidaa nɔ nyɛhãa Nyɔŋmɔ alea nyɛnibimɔi lɛ.”​—Filipibii 4:6.

• Nyɔŋmɔ jwɛŋɔ ohe lɛɛlɛŋ. Nyɔŋmɔ le wɔnaagbai kɛ nibii ni hãa wɔyeɔ wɔtsui lɛ fɛɛ, ni eesumɔ ni eye ebua wɔ. Biblia lɛ kɛɔ akɛ: ‘Shɛrɛmɔ nibii ni hãa oyeɔ otsui lɛ fɛɛ oshwie enɔ, ejaakɛ ejwɛŋɔ ohe.’​—1 Petro 5:7.