Nibii Ni Wɔbaanyɛ Wɔkɛfee Aŋkro Nikasemɔ Loo Weku Jamɔ

Jeee ja wɔkpe kutuu yɛ asafoŋ kpeei ashishi, kpokpaa nɔ kpeei ashishi, loo kpokpaa wuji anɔ kpeei ashishi pɛ dani wɔjáa Yehowa, shi wɔjáa Yehowa akɛ aŋkroaŋkroi, kɛ agbɛnɛ hu, akɛ wekui. Naa nibii komɛi ni wɔbaanyɛ wɔkɛfee aŋkro nikasemɔ loo weku jamɔ:

• Saamɔ ohe kɛhã asafoŋ kpeei. Obaanyɛ okase lalai ni abaalá lɛ hu, ni oye obua mɛi fɛɛ ni yɔɔ oweku lɛ mli lɛ ni amɛsaa amɛhe akɛ amɛbaahã sane ko hetoo.

• Kanemɔ Biblia mli sane ko. No sɛɛ lɛ, obaanyɛ otɛŋ nɔ ko ni ba yɛ nɔ ni okane lɛ mli lɛ he mfoniri loo obaanyɛ oŋma nɔ ni okase yɛ mli lɛ ofɔ̃ shi.

• Kanemɔ sɔlemɔ ko ni abɔ he amaniɛ yɛ Biblia lɛ mli ni osusu bɔ ni ebaaye ebua bo koni osɔle jogbaŋŋ lɛ he.

• Kwɛmɔ asafo lɛ vidio ko, ni no sɛɛ lɛ okɛ mɛi asusu he loo oŋma nɔ ko ni onya he yɛ vidio lɛ mli lɛ he sane ofɔ̃ shi.

• Saamɔ ohe kɛhã shiɛmɔ. Ekolɛ weku lɛ mli nyo ko baanyɛ afee ehe shiatsɛ, ni mɔ kome ashiɛ ahã lɛ.

• Kwɛmɔ nɔ ko ni Yehowa ebɔ, ni ojwɛŋ nɔ ni etsɔɔ bo yɛ Yehowa he lɛ nɔ, loo okɛ mɛi krokomɛi agba nɔ ni etsɔɔ bo lɛ he sane.a