Nikasemɔ 12

Bulɛ ni Ajieɔ lɛ Kpo Ahaa Wala kɛ Lá

Te esa akɛ wɔbu wala wɔha tɛŋŋ? (1) hɔ jiemɔ? (1)

Kristofoi sumɔɔ shweshweeshwe feemɔ yɛ mɛɛ gbɛ nɔ? (2)

Ani eji efɔŋ akɛ aaagbe kooloi? (3)

Ani la ni agbalaa awoɔ mɔ mli lɛ fata he? (6)

1. Yehowa ji wala Jɛɛhe. Nibii fɛɛ ni hiɛ ka lɛ awala jɛ Nyɔŋmɔ ŋɔɔ. (Lala 36:10) Wala yɛ krɔŋkrɔŋ ha Nyɔŋmɔ. Gbekɛ ni afɔko lɛ, ni yɔɔ enyɛ musuŋ lɛ wala tete jara wa yɛ Yehowa hiɛ. Abifao ni tamɔ nɛkɛ ni daa ni aaaje gbɛ agbe lɛ lɛ ji nɔ fɔŋ yɛ Nyɔŋmɔ hiɛ.—2 Mose 21:22, 23; Lala 127:3.

2. Anɔkwa Kristofoi ahiɛ yɛ amɛhe nɔ waa yɛ shweshweeshwe feemɔ he. Amɛkwɛɔ koni amɛtsɔnei kɛ amɛshiai afee nɔ ni yɔɔ shweshweeshwe. (5 Mose 22:8) Nyɔŋmɔ tsuji kɛ amɛwala wooo osharai amli yakatswaa yɛ miishɛɛ loo mlifilimɔ kɛkɛ hewɔ. No hewɔ lɛ amɛkɛ amɛhe wooo akaŋshii ni yiwalɛ nifeemɔ yɔɔ mli, ni ajeɔ gbɛ akɛyeɔ mɛi krokomɛi awui lɛ mli. Amɛkpooɔ hiɛtserɛjiemɔ ni woɔ yiwalɛ nifeemɔ he hewalɛ.—Lala 11:5; Yoh. 13:35.

3. Kooloo wala hu yɛ krɔŋkrɔŋ kɛha Bɔlɔ lɛ. Kristofonyo baanyɛ agbe kooloi kɛha niyenii kɛ hehaanɔ loo ni ekɛbu ehe kɛjɛ hela kɛ oshara he. (1 Mose 3:21; 9:3; 2 Mose 21:28) Shi eji efɔŋ akɛ aaawa kooloi ayi loo ni aaagbe amɛ yɛ hiɛtserɛjiemɔ loo miishɛɛnamɔ kɛkɛ hewɔ.—Abɛi 12:10.

4. Tawa shɛremɔ, betel ŋmɛ ni akpeɔ, kɛ tsofai ni anuɔ kɛha miishɛɛ ni aaana lɛ jeee Kristofoi anifeemɔ. Nifeemɔi nɛɛ ji efɔŋ ejaakɛ (1) amɛfeɔ wɔ amɛ nyɔ̃ji, (2) amɛyeɔ wɔ gbɔmɔtsei awui, ni (3) amɛhe tseee. (Rom. 6:19; 12:1; 2 Kor. 7:1) Ebaanyɛ ewa waa akɛ aaaŋmɛɛ subaŋi nɛɛ ahe. Shi esa akɛ wɔfee nakai ni wɔsa Yehowa hiɛ.

5. Lá hu yɛ krɔŋkrɔŋ yɛ Nyɔŋmɔ hiɛ. Nyɔŋmɔ kɛɔ akɛ susuma lɛ, loo wala lɛ, yɛ la lɛ mli. No hewɔ lɛ eji efɔŋ akɛ aaaye la. Eji efɔŋ hu akɛ aaaye kooloo ni afɔseko ela ashwieko shi jogbaŋŋ lɛ loo. Kɛ ashɔtɔ kooloo ko loo adu lɛ yɛ tsɔne mli ni egbo lɛ, esaaa akɛ ayeɔ. Kɛ atsu lɛ akpɔlɔ loo atswa lɛ tu lɛ, esa akɛ afo esɛ̃ oya ni aha ela aho kɛji abaaye.—1 Mose 9:3, 4; 3 Mose 17:13, 14; Bɔf. 15:28, 29.

6. Ani eji efɔŋ akɛ aaakpɛlɛ ni agbala lá awo mɔ mli? Kaimɔ akɛ, Yehowa miikpa gbɛ akɛ wɔtsi wɔhe kɛjɛ lá he. Enɛ tsɔɔ akɛ esaaa akɛ wɔheɔ mɛi krokomɛi ala aloo wɔ diɛŋtsɛ wɔla po ni akɛto he ko lɛ wɔwoɔ wɔ gbɔmɔtsei amli yɛ gbɛ ko kwraa nɔ. (Bɔf. 21:25) No hewɔ lɛ anɔkwa Kristofoi heŋ la ni agbalaa awoɔ mɔ mli lɛ. Amɛbaakpɛlɛ tsofafeemɔ mli tsamɔi krokomɛi anɔ, tamɔ nibii ni jeee la ni agbalaa awoɔ mɔ mli. Amɛmiisumɔ ni amɛhi wala mli, shi amɛbɔŋ mɔdɛŋ akɛ amɛaahere amɛyiwala kɛtsɔ Nyɔŋmɔ mlai amlikuu nɔ.—Mat. 16:25.

[Mfonirii ni yɔɔ baafa 25]

Kɛ wɔbaasa Nyɔŋmɔ hiɛ lɛ, esa akɛ wɔkwa lá ni akɛ woɔ mɔ mli, subaŋi ni he tseee, kɛ osharai ni esaaa