Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • km 6/89 bf. 3
  • Nyɔŋmɔ Mla lɛ ‘Ni Wɔɔha Aha Wɔmli’

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Nyɔŋmɔ Mla lɛ ‘Ni Wɔɔha Aha Wɔmli’
  • Wɔ Maŋtsɛyeli Sɔɔmɔ—1989
  • Saneyitsei Bibii
  • Saji Ni Tamɔ Enɛ
  • TEEMƆŊ NIKASEMƆ KƐ NIBII AMLIPƐIMƆ
  • NIBII Nl YEƆ BUAA NIKASEMƆ
  • Miishɛɛ Ni Wɔɔna Yɛ Yehowa Wiemɔ Lɛ He
    Buu-Mɔɔ Eetswa Yehowa Maŋtsɛyeli He Adafi—1986
  • Na Yehowa Mli Hekɛnɔfɔɔ—Kɛtsɔ Mɔdɛŋbɔɔ ni Okɛaakase E-Wiemɔ lɛ Nɔ
    Buu-Mɔɔ Eetswa Yehowa Maŋtsɛyeli He Adafi—1988
  • Nikasemɔ—Eŋɔɔ ni Nyɔmɔwoo yɛ Mli
    Buu-Mɔɔ Eetswa Yehowa Maŋtsɛyeli He Adafi—2000
  • Gbɛ ni Aaatsɔ Nɔ Afee Ekãa Be Fɛɛ Be
    Wɔ Maŋtsɛyeli Sɔɔmɔ—2006
Kwɛmɔ Ekrokomɛi Hu
Wɔ Maŋtsɛyeli Sɔɔmɔ—1989
km 6/89 bf. 3

Nyɔŋmɔ Mla lɛ ‘Ni Wɔɔha Aha Wɔmli’

1 Agba afɔ shi akɛ Yehowa mla lɛ baahi Yesu ‘mli.’(Lala 40:⁠9) Enɛ bafee anɔkwale, ni eye ebua lɛ ni enyɛ efee e-Tsɛ lɛ suɔmɔnaa nii.

2 Yehowa mla lɛ hu yɛ ekaselɔi ni afɔ amɛ mu lɛ ‘jwɛŋmɔi amli ni aŋmala yɛ amɛtsuii anɔ.’ (Heb. 8:10) Enɛ ye ebua amɛ ni amɛshiɛ akɛ mɛi ni yɔɔ jeŋba kpakpa ni amɛgbe amɛsɔɔmɔ lɛ naa kwraa. Te wɔɔfee tɛŋŋ ni wɔ fɛɛ wɔɔna nɔmimaa akɛ Yehowa mla lɛ yɛ wɔjwɛŋmɔ mli ni aŋmala yɛ wɔtsui tao anɔ?​—Abɛi 3:⁠3.

TEEMƆŊ NIKASEMƆ KƐ NIBII AMLIPƐIMƆ

3 Nyɔŋmɔ Wiemɔ lɛ ni wɔɔkase yɛ teemɔŋ wɔ diɛŋtsɛ lɛ baanyɛ aye abua wɔ ni eha anɔkwale lɛ afee wɔ diɛŋtsɛ wɔ nɔ. Nikasemɔ biɔ nibii amlipɛimɔ kɛ enɔ jwɛŋmɔ. Eji yiŋ ni atoɔ koni ajwɛŋ emli nibii lɛ fɛɛ nɔ jogbaŋŋ. Jeee akɛ esa akɛ wɔkane Asafo lɛ woji lɛ pɛ kɛkɛ taakɛ wɔnine shɛɔ nɔ lɛ, shi esa akɛ wɔtsɔse wɔhe koni wɔna daa nikasemɔ he gbɛjianɔtoo ni baasaa wɔ kɛha wɔ daa otsi kpeei lɛ fɛɛ.

4 Nikasemɔ sui kpakpai wajeɔ wɔhekɛnɔfɔɔ yɛ anɔkwale lɛ he ni ehaa wɔ hiɛnɔkamɔ kɛha wɔsɛɛ be lɛ mli tseɔ. Hɛɛ, ‘wɔdaa kɛyaa yiwalaheremɔ mli.’ (1 Pet. 2:⁠2) Kɛ wɔkase nibii ni yɔɔ miishɛɛ kɛjɛ Ŋmalɛi lɛ amli lɛ, wɔsumɔɔ ni wɔwie he. Enɛ tsirɛɔ wɔ koni wɔjie suɔmɔ kpo wɔtsɔɔ wɔ akutseiaŋbii kɛtsɔ wiemɔ ni wɔɔwie nibii ni wɔkase lɛ he wɔtsɔɔ amɛ lɛ nɔ. Gbɛfaŋnɔ ni wɔnaa yɛ “maŋtsɛyeli lɛ he wiemɔ” kɛ ekaa lɛ mli lɛ damɔ hiɛsɔɔ ni wɔyɔɔ kɛha mumɔŋ nibii ni wɔnaa kɛtsɔɔ nikasemɔ sui kpakpai anɔ lɛ nɔ.​—Mat 13:​19.

NIBII Nl YEƆ BUAA NIKASEMƆ

5 Yehowa gbɛjianɔtoo lɛ kɛ nɔ ni he hiaa wɔ ni wɔna anɔkwale lɛ he nilee ni nɔ bɛ eha wɔ. Ani okɛ 1930-1985 Index lɛ miitsu nii jogbaŋŋ? Akɛni wɔyɔɔ nɛkɛ dɛŋdade kpakpa nɛɛ kɛ woji sɔrɔtoi lɛ fɛɛ agbɛnɛ hewɔ lɛ, mɛɛ anɔkwale nilee he jwetri po wɔna nɛkɛ! Nɔ ni esaaa akɛ wɔkuɔ wɔhiɛ wɔshwieɔ nɔ hu ji Insight kɛ Revelation Climax woji lɛ. Ani okɛ enɛɛmɛi miitsu nii kɛmiimɔ shi?

6 Ni wɔɔna babaoo kɛaajɛ teemɔŋ nikasemɔ mli lɛ damɔ nɔ ni wɔkɛwoɔ mli lɛ nɔ. Taomɔ be ni kɛ oshihilɛ be kpaa kɛ he ni obaana ni yɔɔ kpoo ni onyɛ ojwɛŋ saji ahe yɛ jɛmɛ. Bɔɔ mɔdɛŋ ni osɔle oha Yehowa ni eye ebua bo dani oje nikasemɔ shishi. Kɛ wɔɔnyɛ wɔfee nii yɛ nilee mli yɛ nɛkɛ jaramɔ bei nɛɛ amli lɛ, belɛ ehe miihia ni wɔna Nyɔŋmɔ Wiemɔ lɛ mli anɔkwale lɛ akɛ nɔ ko ni aŋmala yɛ wɔtsuii kɛ wɔjwɛŋmɔi amli. (Abɛi 7:​1-3; Yosh. 1:⁠8) Yehowa kɛ emumɔ lɛ tsuɔ nii koni ekɛŋmala emla lɛ kɛ ekaimɔi lɛ yɛ wɔtsuii amli. (Yoh. 14:26: 1 Kor. 2:10) Ekuŋ ehiɛ eshwieŋ yelikɛbuamɔ ni abiɔ yɛ anɔkwayeli mli koni ana ni anu e-Wiemɔ lɛ mli nibii ni he hiaa titri lɛ ashishi lɛ nɔ.​—Abɛi 2:​1-6.

7 Esa akɛ wɔkase nii daa ni eya nɔ yɛ gbɛjianɔtoo naa koni wɔnyɛ wɔha Nyɔŋmɔ mla lɛ ‘ahi wɔmli.’ Enɛ baaha wɔtsɔmɔ mumɔŋ gbɔmɛi, ni wɔna anɔkwale lɛ he shishinumɔ babaoo, wɔhe asa yɛ yelikɛbuamɔ ni wɔkɛhaa mɛi krokomɛi ni amɛkase anɔkwale lɛ mli, koni wɔnane amɔ shi shiŋŋ yɛ “wala gbɛ” Iɛ nɔ.​—Lala 16:11: Kol. 2:⁠7.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje