Atsake wɔ maŋtsɛyeli sɔɔmɔ lɛ hiɛ

Afee Wɔ Maŋtsɛyeli Sɔɔmɔ lɛ ehee kɛjɛ September nɔ lɛ nɔ. Bɔ ni afee lɛ ehee aha lɛ baaha daa nyɔŋ nɔ wolo ni akalaa yɛ wiemɔi pii amli nɛɛ afee mlɛo kɛha mɛi ni kaneɔ lɛ akɛ amɛaayoo hei ni saji otii komɛi yɔɔ.

Abaanyɛ atsɔ ehee nɛɛ nɔ afee saneyitsei kɛ emii saji lɛ yɛ kompiuta nɔ. Gbeekpamɔ babaoo jeɔ kpo yɛ ehe gbɛjianɔtoo mli ni ehaa Wɔ Maŋtsɛyeli Sɔɔmɔ muu lɛ fɛɛ feɔ nɔ ni yɔɔ fɛo.

Ekanelɔi lɛ baayoo nɔyaa pii ni eba mli lɛ. Ekalamɔ lɛ daramɔ ni yeɔ egbɔ kɛ bɔ ni emli ka shi faŋŋ ha lɛ haa anyɛɔ akaneɔ niŋmaa bibii lɛ po. Abaanyɛ akane sɔɔmɔ akɔntaabuu lɛ jogbaŋŋ agbɛnɛ. Agbɛnɛ emli saji otii lɛ baaje kpo yɛ ehiɛ kɛ esɛɛ, ni abaagbe saji lɛ pii anaa yɛ baafa kome lɛ nɔŋŋ mli. Sɔɔmɔ kpee he gbɛjianɔtoo, gbɛjianɔtoo kɛha Asafo Woloŋ Nikasemɔ, sɔɔmɔ akɔntaabuu, Adafitswai, Teokrase lɛ He Saji, kpeei Kɛha Shiɛmɔyaa. Saneyitso Kɛha Sanegbaa kɛ Sanebimɔ He lɛ fɛɛ baaje kpo yɛ emligbɛ baafai lɛ amli.

Wɔyɛ hiɛnɔkamɔ akɛ Obaana dɛŋdade ni he yɔɔ sɛɛnamɔ nɛɛ akɛ nɔ ko ni yɔɔ fɛo ni yeɔ buaa Maŋtsɛyeli lɛ he sanekpakpa lɛ jajemɔ kɛ kaselɔi afeemɔ yɛ gbɛ ni mɔɔ shi babaoo nɔ.