• Adafitwai
    Maŋtsɛyeli Sɔɔmɔ—1993 | February

    • Adafitwai

      ◼ Wolo ni akɛbaaha yɛ February: Woji ni hiɛ baafai 192 ni afee yɛ 1983 loo dani be nɛɛ shɛ lɛ mli eko fɛɛ eko. Akɛ wolo baaha yɛ ejara lɛ fa naa, ni ji ¢250 kɛha shiɛlɔi kɛ ¢125 kɛha gbɛgbalɔi. Esa woloŋmalɔ lɛ kɛ sɔɔlɔ ni kwɛɔ shika akwɛ Wɔ Maŋtsɛyeli Sɔɔmɔ ni je kpo January mli lɛ adafitswai gbɛhe lɛ bɔ ni abiɔ nyɔmɔ nɔtsemɔ ahaa Asafo lɛ dɛŋ. Kɛ nyɛ asafo lɛ bɛ nɛkɛ woji nɛɛ eko yɛ nyɛ woji atoohe lɛ, no lɛ nyɛbaanyɛ nyɛkɛ woji ni nyiɛ sɛɛ nɛɛ aha yɛ ejara muu lɛ naa: Survival Into a New Earth, True Peace and Security (1986 nɔ lɛ) aloo Worldwide Security Under the Prince of Peace. March: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ. April: Kpojiemɔ​—Enaagbee lɛ Ebɛŋkɛ! May kɛ June: Buu-Mɔɔ shɛɛ. Kadimɔ: Asafoi ni woji ni akɛbaafa ta ni atsi ta yɛ yiteŋgbɛ nɛɛ eko he baahi lɛ ashɛ eko yɛ Literature Order Form (S-14) ni amɛkɛbaashɛ woji yɛ nyɔŋ lɛ mli lɛ nɔ.

      ◼ Kɛjɛ March mli kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ni yitso ji “Ni Wɔɔna Obalaŋtai lɛ Taakɛ Yehowa Naa Amɛ Ehaa.”

      ◼ Abaaha maŋshiɛmɔ krɛdɛɛ kɛha Kaimɔ be lɛ yɛ jeŋ fɛɛ yɛ Hɔgbaa, Mach 28. Wiemɔ lɛ yitso ji, “‘Nyɔŋmɔ Nifeemɔi​—Te Obua Amɛ Ohaa Tɛŋŋ?” Akɛ wiemɔ he wolo baaha. Asafo ni kpokpaa kwɛlɔ lɛ miisara amɛ yɛ nakai otsi aloo amɛmiiya kpokpaa nɔ kpee yɛ otsi Iɛ naagbee lɛ baaha maŋshiɛmɔ krɛdɛɛ lɛ yɛ otsi ni nyiɛ sɛɛ lɛ mli. Esaaa ni asafo ko haa maŋshiɛmɔ lɛ dani March 28.

      ◼ Yɛ January 1, 1993 mli lɛ, abɔi Buu-Mɔɔ lɛ kalamɔ daa nyɔŋ yɛ Lithuania wiemɔ mli, ni no ha wiemɔi abɔ ni akalaa nɛkɛ wolo tɛtrɛɛ nɛɛ yɛ mli lɛ yibɔ yashɛ 112. Yɛ January mli nɔŋŋ hu lɛ, abɔi Buu-Mɔɔ yɛ Telgulu wiemɔ mli lɛ kalamɔ daa nyɔŋ fã.

      ◼ Posts and Telecommunications Corporation ni ji (P & T) nitsumɔ he lɛ ewo Asafo lɛ toi nɔ akɛ asafoi komɛi kɛ shika diɛŋtsɛ woɔ wolo kotoku mli ni amɛkɛ majeɔ kɛtsɔɔ wolo majemɔ nɔ. P & T Nitsumɔ He lɛ miiha ale akɛ oshara yɛ he waa,ni eteɔ shi ewoɔ wolo majemɔ he mlai hu. Asafoi ni feɔ nakai lɛ akpa amrɔ nɔŋŋ. Kɛji asafo lɛ bɛ shikatoo he bank ko lɛ, no lɛ esa akɛ akɛ; postal order aloo money order loo bank draft amaje Asafo lɛ.

      ◼ Aakai asafoi lɛ shikome ekoŋŋ akɛ, kɛ amɛmiito gbɛjianɔ ni amɛbashɛra shi yɛ Betel yɛ bɔs kui amli lɛ, no lɛ esa akɛ kɛ hoo kwraa lɛ, amɛ wolo ni amɛŋma nitsumɔ he nine otsii enyɔ dani amɛshishɛramɔ belɛ ashɛ. Eba akɛ Betel ale mɛi abɔ ni baa shishɛramɔ lɛ kɛ baashɛ shi. Kɛji asafo lɛ baanyɛ ato gbɛjianɔ ni amɛbakwɛ Betel yɛ otsi lɛ mli no hi waa diɛŋtsɛ, ejaakɛ shishɛralɔi baanyɛ amɛna Betelbii lɛ ni nii, kɛ tsɔnei lɛ hu beni amɛmiitsu nii. Shi wɔyoo akɛ, yɛ nitsulɔi ahewɔ lɛ, jeee fɛɛ be ebaahi akɛ ato gbɛjianɔ yɛ otsi lɛ mli kɛha Betel shishɛramɔ. Kɛ ebalɛ nakai lɛ, no lɛ wɔmiiwo ŋaa akɛ, Hɔɔ leebi beni aaashɛŋmɛlɛ 9:00 lɛ bɔs kui lɛ eshɛ shi. Nɔ hewɔ ji akɛ, Betel shisharamɔ: fee ŋmɛlɛtswaa kome. Kɛ kuu lɛ da waa lɛ, no lɛ abaajara amɛmli afee amɛ kui bibii koni eha efee mlɛo. No hewɔ ŋmɛlɛtswaa kome dani kui lɛ fɛɛ gbeɔ shishɛramɔ lɛ naa. Shi esa akɛ agbe shisharamɔ lɛ fɛɛ naa dani atsu ejaakɛ nakai be Betel kɛkpaa Hɔɔ. No hewɔ ni awoɔ ŋaa akɛ Hɔɔ leebi beni aaatswa ŋmɛlɛ 9:00 lɛ, esa akɛ bɔs kui lɛ ebashɛ Betel lɛ. Ehe ehiaaa ni aŋkroi kɛ wekui atsɔ hiɛ atswa amɛbaa lɛ he adafi dani amɛba shishɛramɔ. Wɔmiikai nyɛ ekoŋŋ akɛ, Betel gbeleɔ kɛjɛɔ leebi ŋmɛji 8:00 kɛyashiɔ shwane 12, kɛ agbɛnɛ kɛjɛ shwane ŋmɛji 1:15 kɛyashi gbɛkɛ 5:15 yɛ otsi lɛ mli, kɛ agbɛnɛ leebi 8:00 kɛyashi shwane 12, Hɔɔ.

      Woji Heei ni Yɔɔ:

      ◼ Blɔfo, Twi, Ewe, Ga: Ani Nyɔŋmɔ Susuɔ Wɔhe Lɛlɛɛŋ? Ani Je Nɛɛ Baaya Nɔ Ahi Shi?(Tract No.19) ; Miishɛjemɔ Kɛha Mɛi Ni Ehao Lɛ (Tract No. 20) ; Na Weku Shihilɛ Mli Ŋɔɔmɔ (Tract No. 21) ; Namɔ Diɛŋtsɛ Yeɔ Je lɛ Nɔ? (Tract No. 22) .

      Audiocassette Hee ni Yɔɔ: Blɔfo: Doing God’s Will With Zeal (Drama; audiocassette kome) .

      Vidiocassette Hee ni Yɔɔ: Blɔfo: Purple Triangles.

  • Asafo Wolo Nikasemɔ
    Maŋtsɛyeli Sɔɔmɔ—1993 | February

    • Asafo Wolo Nikasemɔ

      Gbɛjianɔtoo kɛha asafoŋ woloŋ nikasemɔ yɛ Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ mli.

      February 1: Yitsei26-28

      February 8: Yitsei 29-31

      February 15: Yitsei 32-34

      February 22: Yitsei 35 kɛyashi yitso bibioo ‘Sɔlemɔ, kɛ Nyɔŋmɔ Mli Hekɛnɔfɔɔ

  • Sɔɔmɔ Hegbɛ Fɛfɛo
    Maŋtsɛyeli Sɔɔmɔ—1993 | February

    • Sɔɔmɔ Hegbɛ Fɛfɛo

      1 Nikanelɔ ko wie akɛ ekase nii ni he yɔɔ sɛɛnamɔ babaoo kɛtsɔ Buu-Mɔɔ kɛ Awake! lɛ kanemɔ nɔ fe bɔ ni ekase yɛ afii ekpaa ni ekɛkase nii yɛ univɛsiti lɛ mli fɛɛ. Efɔɔ kaa akɛ nikanelɔi anɔkwafoi lɛ wieɔ hiɛsɔɔ wiemɔi ni haa mɔ tsui nyaa tamɔ enɛ, yɛ be mli ni amɛkɛ be fioo kɛkɛ ekane woji tɛtrɛbii lɛ sɛɛ. Kwɛ hegbɛ kpele ni wɔna akɛ wɔkɛ wɔ woji tɛtrɛbii lɛ aaaha mɛi ni buɔ waa lɛ daa!

      2 Eyɛ mli akɛ mɛi pii yɛ anɔkwale lɛ he miishɛɛ fioo moŋ, shi amɛyako amɛhiɛ kɛshɛko he ni amɛaakpɛlɛ shia Biblia mli nikasemɔ nɔ. Shi kɛji mɔ ko saa etee amɛŋɔɔ be fɛɛ be kɛ Buu-Mɔɔ kɛ Awake! woji lɛ ehee fɛɛ ehee ni baa lɛ, eenyɛ eha amɛ miishɛɛ lɛ aya hiɛ. Hɛɛ, woji tɛtrɛbii ni akɛaaha mɛi ni heɔ daa be fɛɛ be lɛ eye ebua ni etsirɛ gbɔmɛi lɛ ni amɛkpɛlɛ nɔ akɛ akɛ amɛ afee daa Biblia mli nikasemɔ.

      3 Kɛji wɔyɛ mɛi ni heɔ woji tɛtrɛbii lɛ daa, ni wɔ klɛŋklɛŋ wɔkaneɔ woji tɛtrɛbii lɛ ni wɔkadiɔ otii pɔtɛɛ komɛi ni baaŋɔɔ mɛi ni wɔkɛyahaa amɛ lɛ ateŋ mɔ fɛɛ mɔ naa lɛ, ehaa wɔnaa he sɛɛ waa.